影片
更多
2023-04-01
331 浏览
之前见到openrice有comment话呢间餐厅服务差，我都唔太相信，以为只系个别观感问题，点知原来真有其事。我地6位本身book左20:00，因为惊冇位所以提早左1个月book位，谂住可以有好位置坐。去到当日，我地早左13分钟到现场，入到去得番3个客喺右边中间位，两个侍应执紧位，女侍应用少许不耐烦语气话未准备好，唔俾我地逗留喺入面或门口玄关位，要喺出面等。呢样其实就冇乜大问题，但去到20:00就精彩喇。入到去，见到已经有5个新客(3+2)坐低喺左边，右边有2个旧客仲喺度，然后男侍应居然话“未有位，要再等一阵“，系“未有位“，系“未有位“，系“未有位“呀！我地提早咁多book位，又提早到达，换来嘅竟然系“未有位“？我地早到嘅就冇位，迟d到嘅反而有位坐？what?跟住男侍应话可安排我地坐2个旧客两旁，到佢地走左再安排调番位。呢样我地梗系接受不了啦，食omakase要“分开坐“，要“分开坐“，系“分开坐“呀！what? 咁同茶餐厅搭枱有咩分别？呢个时间火已经开始嚟，但更严重嘅系，男侍应解释话因为𠮶2个旧客系老板朋友，老板招待紧，所以唔可以得失。因为系老板识嘅所以佢地超时都冇问题，可以坐几
我地6位本身book左20:00，因为惊冇位所以提早左1个月book位，谂住可以有好位置坐。去到当日，我地早左13分钟到现场，入到去得番3个客喺右边中间位，两个侍应执紧位，女侍应用少许不耐烦语气话未准备好，唔俾我地逗留喺入面或门口玄关位，要喺出面等。
呢样其实就冇乜大问题，但去到20:00就精彩喇。入到去，见到已经有5个新客(3+2)坐低喺左边，右边有2个旧客仲喺度，然后男侍应居然话“未有位，要再等一阵“，系“未有位“，系“未有位“，系“未有位“呀！我地提早咁多book位，又提早到达，换来嘅竟然系“未有位“？我地早到嘅就冇位，迟d到嘅反而有位坐？what?
跟住男侍应话可安排我地坐2个旧客两旁，到佢地走左再安排调番位。呢样我地梗系接受不了啦，食omakase要“分开坐“，要“分开坐“，系“分开坐“呀！what? 咁同茶餐厅搭枱有咩分别？
呢个时间火已经开始嚟，但更严重嘅系，男侍应解释话因为𠮶2个旧客系老板朋友，老板招待紧，所以唔可以得失。因为系老板识嘅所以佢地超时都冇问题，可以坐几耐都得？老板朋友就至高无上，我地d平民就可以欺负？what?
我再质问佢一会儿，佢先肯去同𠮶2个旧客交涉，然后安排佢地坐侧门出面bar枱。你话系咪只系个别侍应问题？No! 因为呢个时候老板喺侧门入嚟，只系帮手拎为佢“高级“朋友准备嘅甜品，但完全冇谂住过嚟同我地say sorry，而两个侍应该都一样歉意欠奉。咁嘅服务，究竟我系去紧食omakase定茶餐厅呢？
顺带一提，唔睇唔知，原来呢间餐厅源自大陆？上面有8间分店，而铜锣湾呢间系第一海外分店。有冇关系我就唔知，只系陈述出来for your information。
讲左咁多，费时俾人话我只讲服务态度，都讲下师傅同食物。师傅手势同态度ok，有介绍每道菜式，但好少同客人交谈，且每次都系一次性准备全餐厅食物，未能依据客人进度调节 (老板贵客我都唔知喇！)。食物方面，尚算新鲜，鹅肝吞拿鱼寿司同矶煮鲍鱼几好食，但其他全部都普普通通。
整体而言，498嘅set系合理但唔太有记忆点，连埋服务态度嚟睇，不值，完。
张贴
