Daap

营业中

休息中

有本土特色嘅fusion 菜，真系要daap真啲。餐厅虽然由Chef Luke一人掌厨，但出菜唔会好耐，环境都好舒适。1.花胶配泰式酪乳红油酱南非花胶好弹牙，酱汁系chef 自家制Butter Milk mix 红油，有小小冬泰式阴功嘅感觉但少咗酸味变为牛油味，好新奇嘅配搭，几惹味。2.栗子汤配烤羊肚菌大大粒羊肚菌烤到劲香，表面仲好酥脆，外脆内软🤩滑滑嘅栗子汤有好浓厚嘅质感，亦好creamy，饮落香甜。仲有脆卜卜嘅多士可以点汤食。3.腊肠卡邦尼手工意粉意粉系手工制，同出边嘅意粉唔同，比较阔同厚，所以好挂汁。腊肠切粒同烧过，出晒油，再捞埋温泉蛋咁食，又出奇地夹，好有腊肠香。不愧为signature 。4.西班牙红虾烧卖非常多汁，直头系爆汁，肉质弹牙饱满。酱汁都系精粹，超鲜甜，一定要点埋食，会升华咗个红虾烧卖。5.自家制酸种菠萝包配港式奶茶雪糕焗热嘅咗小型菠萝包，配上冻冰冰嘅奶茶雪糕，冰火交融，甜度适中。