影片
更多
2020-01-11
729 浏览
今日老豆生日所以带佢食好野～呢间主打杭州菜比较少见，餐厅非常优雅，每张枱都有花瓶做装饰，座位舒服又阔落，枱面有软垫再铺上枱布非常贴心舒服！店员做事非常有效率，不错！头盘：杭州熏鱼卖相一流，望落去好似糖醋排骨咁，估唔到熏鱼会有咁大块，真系非常惊喜！厚厚既熏鱼，外层带少许焦脆，食落香甜惹味，第一口真系唔小心讲左句：好好食啊！鱼肉鲜嫩入味，外脆内软，不得了，惊喜十足，惹味十足！必试！（熏鱼带骨，所以食既时候要小心）汤品：宋嫂鱼羹材料非常丰富既汤羹，每一匙羹搅起都有料，质地黏稠唔会水汪汪咁，仲有胡椒粉可调味鱼肉稍微煎香外皮再落羹，食落有口感，而且每口都有鱼肉真系非常满足，入面仲有肉丝、姜丝、萝卜丝、粉丝⋯⋯啖啖丰富既口感，调味刚好唔会淡又唔太咸，再加上少少胡椒粉更添风味！饮完个人会暖笠笠，冬天最岩饮！小菜：家乡回锅肉色彩丰富既菜式，大火爆炒火喉十足，非常惹味，味道软浓送饭一流，入面除左回锅肉仲有豆干、笋片、京葱、青红椒⋯⋯全部都沾满酱汁，辣辣地嘅味道非常开胃！小菜：杭三鲜用浓汤煮既杭三鲜卖相一流，材料唔止三样，有海鲜、豆腐、肉丸、姜粒蛋白丸“？”、鱼肚、金华火腿、鸡肉、木耳、小棠菜⋯⋯应有尽有
头盘：杭州熏鱼
卖相一流，望落去好似糖醋排骨咁，估唔到熏鱼会有咁大块，真系非常惊喜！
杭州熏鱼
24 浏览
0 赞好
0 留言
厚厚既熏鱼，外层带少许焦脆，食落香甜惹味，第一口真系唔小心讲左句：好好食啊！鱼肉鲜嫩入味，外脆内软，不得了，惊喜十足，惹味十足！必试！（熏鱼带骨，所以食既时候要小心）
杭州熏鱼
25 浏览
0 赞好
0 留言
汤品：宋嫂鱼羹
材料非常丰富既汤羹，每一匙羹搅起都有料，质地黏稠唔会水汪汪咁，仲有胡椒粉可调味
宋嫂鱼羹
17 浏览
0 赞好
0 留言
鱼肉稍微煎香外皮再落羹，食落有口感，而且每口都有鱼肉真系非常满足，入面仲有肉丝、姜丝、萝卜丝、粉丝⋯⋯啖啖丰富既口感，调味刚好唔会淡又唔太咸，再加上少少胡椒粉更添风味！饮完个人会暖笠笠，冬天最岩饮！
宋嫂鱼羹
12 浏览
0 赞好
0 留言
小菜：家乡回锅肉
家乡回锅肉
21 浏览
0 赞好
0 留言
色彩丰富既菜式，大火爆炒火喉十足，非常惹味，味道软浓送饭一流，入面除左回锅肉仲有豆干、笋片、京葱、青红椒⋯⋯全部都沾满酱汁，辣辣地嘅味道非常开胃！
家乡回锅肉
12 浏览
0 赞好
0 留言
小菜：杭三鲜
用浓汤煮既杭三鲜卖相一流，材料唔止三样，有海鲜、豆腐、肉丸、姜粒蛋白丸“？”、鱼肚、金华火腿、鸡肉、木耳、小棠菜⋯⋯应有尽有，最特别既系姜粒蛋白丸“？”我本身以为系鱼蛋，但咬落去非常松软，入面仲有姜粒，口感十分过瘾！汤底浓香但唔会太咸，配埋材料一齐食非常正！
杭三鲜
15 浏览
0 赞好
0 留言
小菜：杭州东坡肉配蝴蝶夹
动L动L既东坡肉，一上枱店员就会帮手用较剪剪开，闪令令既表面睇得出骨胶原十足，夹起既时候仲非常动L既感觉，有啲似啫喱，咬第一啖真系比佢惊艳到，调味满分，而且东坡肉入晒味，入面既油脂分布平均，入口即溶，不得了！
杭州东坡肉伴蝴蝶夹
20 浏览
0 赞好
0 留言
咬左一啖试左原味后再用蝴蝶夹夹住黎食，原本已经切开咗即蝴蝶夹唔会太厚，口感弹牙软熟，唔会好似馒头咁硬，食落唔会干，夹埋东坡肉食更加好味，沾多少少汁会更惹味！简直系绝配！
杭州东坡肉伴蝴蝶夹
15 浏览
0 赞好
0 留言
小菜：蟹肉粉丝煲
份量十足即粉丝煲，入面既蟹肉份量都十分之多，睇得出系新鲜蟹再拆散，配埋葱粒，卖相吸引
蟹肉粉丝煲
14 浏览
0 赞好
0 留言
粉丝湿润又唔会太多水，弹牙既粉丝配上蟹肉，鲜味十足，一啖接一啖，加埋XO酱真系不得了既配搭，惹味又香口仲带少少鲜味，正！
蟹肉粉丝煲
23 浏览
0 赞好
0 留言
甜品：酒酿丸子
十分推荐既甜品，酒味香又唔会太重，带上少许桂花既味道，丸子用咗黑芝麻做馅，皮薄弹牙，细细粒既丸子竟然包裹住咁多既黑芝麻馅，一咬落去就有非常浓郁既黑芝麻香味，食落唔太甜！各种配搭都十分出色，系我食过最好食既酒酿丸子！正！
酒酿丸子
11 浏览
0 赞好
0 留言
张贴
