九份飽 (蜆殼街) (已搬遷) 新店位置

餐厅从大街转入内街就会见到，相当易揾。晚餐时间要排队等候，大约十分钟左右就可入得。餐厅挂满红灯， 充满台湾怀旧风格，座位约可坐二十人。食物款式多，价钱平，份量唔少，今日两人叫五样野，平均每人$80。怀旧肉燥饭(小) $30看似细细碗，但饭份量有好多。肉燥为丁粒，半肥瘦，咸味够，香口惹味。香酥排骨面 $42有三小块，炸到相当酥脆，粉皮同肉无分离。面幼幼，有少许咬口。盐酥鸡 $35比香酥排骨味道更胜一筹，有淡淡胡椒味，更惹味。而且，份量多，一篮有九粒。流心芋丸 $35一碟四粒，咬落奶黄就流出黎，口感三重层次，外脆内软心滑腻。茉香珍珠奶茶 $23浓浓茉莉香味，奶茶奶味较重，珍珠QQ，唔会好硬。