五匠六釜

营业中

休息中

之前已经嚟过九龙城呢间餐厅食午饭餐厅新开，食过都觉得好好食，而家开咗一段时间，估唔到人哋都保持到咁高，我哋今日晚餐嚟到，都唔知太晏，已经排晒队，一路排队一路望吓餐牌，见到都有好多新嘅菜式，结果都真系好好味。今日叫咗几样嘢，都觉得好好食，虽然睇落好似好清淡，但系食完都觉得好满足！最紧要就系价钱都相当抵食。黄金芥兰都几特别，食得出啲芥兰好新鲜，而且佢都有㓟皮，所以当每一啖咸蛋都包住嘅话，每一啖都好邪恶！呢度都有好多唔同类型嘅饺子，我哋最后就选择叫咗京葱羊肉饺同肉三鲜饺。个人觉得京葱羊肉饺真系几好食，羊肉唔会骚，惊葱亦都好香。木耳炒娃娃菜看似普通嘅一道菜，但系又真系炒得几好食，唔会觉得油淋淋，完全系出色过我喺出面其他餐厅食过嘅！