囍源古早蛋糕 (已結業)

香港早前兴起古早味蛋糕风潮，有时行街经过都见到有专卖古早味蛋糕既店舖！好多店都会话自己系专诚飞到台湾去学师，而每个人都话自己系最正宗，但其实点样先系为之正宗呢？上网都睇过啲文章去定义正宗嘅古早味蛋糕，大家都强调像棉花一般嘅柔软同埋入口即溶呢两点！而标榜全港独家黄金边，黄金底嘅囍源古早味蛋糕店售卖嘅蛋糕我认为就系最正宗既做法！佢哋位于深水埗鸭寮街，以低糖，少油同埋无添加，用心每日烘焙高达70多种嘅口味俾大家选择！一啲特别嘅口味，例如芫茜，榴梿，姜汁，蒜蓉，你无谂过既都有🤣🤣如果大家都有啲独特的口味想食，都可以预先打电话同佢哋预订！🍡焙茶 师傅话其实最难整嘅就系焙茶口味蛋糕，因为焙茶系比较淡口味，而份量比例相信师傅都经过无数次嘅试验之后先可以做到唔会太浓亦都唔会太淡！切开后表面好平滑，口味浓度亦都啱啱好！好香嘅焙茶味，食落唔会太腻，作为下午茶同埋唔爱太甜嘅我黎讲味道真系岩岩好！😋😋🍡特级肮脏榛子朱古力呢个朱古力总共有三层，而总共夹住咗两层嘅酱料，由上而下，第一层系榛子酱，而底层系朱古力酱！一开始以为呢个朱古力蛋糕会好甜好腻，但食落口又发觉唔系㖞，都唔算太甜！总括嚟讲，蛋糕湿润软熟，入口即溶