尚盛潮州海鮮飯店

呢间好出名嘅潮州饭店，最近喺中环开左新舖，星期六入嚟食嘅时候全场爆满，真系实力嘅表现！🟡潮州卤水鹅片（例）呢个卤水鹅片真系好正！一上碟就闻到阵阵卤水香味，鹅肉切得啱啱好，唔会太薄，鹅肉嫩滑，吸满卤水嘅精华，每一啖都充满咸香味，卤水嘅香料味道层次分明，食完仲想再嚟一碟！🟢潮州蚝饼外层煎得金黄香脆，咬落去有啖啖蚝肉，鲜甜多汁，配埋少少辣椒酱，真系一流！🔵胡椒猪肚汤第一啖饮落去已经感受到浓郁嘅胡椒香气，即刻暖晒个胃。猪肚煮得好腍，又无腥味，汤底清澈，充满住猪肚嘅鲜甜，饮完成个人暖笠笠！