正潮樓

营业中

休息中

二访湾仔依间「正潮楼」，又试下其他菜式先，虽然今餐无Order到主食，但都食到满载而归。*此餐厅收取加一服务费。卤水鹅片（单点$168），鹅片肉质皮薄肉厚，口感嫩滑，卤水味道浓郁，配以蒜泥白醋食用，味道酸溜，配料包括有卤水豆腐、卤水花生。脆皮九肚鱼（单点$168），即叫即炸，略嫌炸衣口感稍为硬实，九肚鱼鱼块皮肉相连，肉质厚身，味道鲜甜，略嫌带有细骨，配以白胡椒食用，食落好香口。汕头煎蚝烙（单点$108），蛋皮食落蛋香味浓，内有香葱，生蚝份量多，食落好新鲜，配以鱼露食用，味道更佳。煎荷兰薯粿（单点$58），采用马铃薯、虾米、香菇、腊肠制作，口感外酥脆内软糯，味道类似马铃薯版的萝卜糕，但制作方法是煎而不是蒸。清心丸绿豆爽（单点$48），采用开边绿豆、冰糖制作，清心丸口感略带烟韧，味道微甜；绿豆口感上仍然保留豆子原有的质感，不会起沙，食落口感稍为硬实但带有一点软的状态；糖水口感浓稠，味道清甜。茗茶（两人$24），铁观音，茶味浓厚。