三田製麵所 (K11購物藝術館)

营业中

休息中

我谂三田喺香港都开咗好一段日子，但直至最近先第一次食，因为之前朋友话啲拉面都系一般，到近排偶然见到好似有日式麻辣面 (花椒拉面)，即系麻、辣、辛，就想试一试。去到尖沙咀间舖，多人排队但好快就有位，啲位有隔开，唔会好迫。叫完嘢食大概5分钟度就有得食，算系好有效率。呢个就系花椒拉面，我当佢系日式麻辣味嘅拉面，一嚟到闻到好香嘅洋葱及辣味，个面啲汤热辣辣，虽然我食唔惯好浓嘅嘢，但佢个面连埋个汤，啲味好夹。有洋葱、葱，有辣味有麻味，比想像中好味，啲汤虽然浓，但都可以饮，及饮咗之后冇令人好口渴，咁我估佢冇落好多味精，饮埋个汽水就更正。朋友食呢个有蛋嘅三田拉面，个蛋整得几好味，呢个汤面系好食嘅。烧墨鱼丸，唔见好多地方有，佢整得好食。炸猪扒，好热，皮薄，肉嫰，有猪扒酱汁及沙律酱俾你，两种都好食。全部嘢加埋加个汽水都只系$290几蚊，咁嘅价钱有咁嘅质素，真系好抵食。会再嚟。