Here Thai Market

营业中

休息中

今日嚟到沙田食泰菜，餐厅位于新城市广场三期，非常易揾。装修方面，餐厅充满泰式风味，而且又大又靓，坐得好舒服，都适合一大班人嚟聚餐～安格斯牛肉船面 $128船面系泰国特式美食。依度嘅汤底味道浓郁，带少少辣，几惹味。面头仲有炸猪皮、香葱、蒜同芫荽。我同朋友拣咗宽河粉，超好味。宽河粉好滑身，带点弹牙，都几挂汤。另外仲有安格斯牛肉同牛筋，牛肉好重牛味，牛筋充满胶质。鸡腿炒金边粉 $88依碟卖相好靓，面头有大大只炸鸡脾。鸡脾外皮香脆，充满油香，内里肉质好滑，好juciy! 炒金边粉好惹味，甜甜地，辣辣地。金边粉晶莹剔透，里面配有芽菜、炒蛋、豆干等材料。烧原只鱿鱼 $58烧鱿鱼超香，大大只，食落有惊喜。鱿鱼好新鲜，烧得啱啱好，唔会韧。泰式香蕉煎饼 $88甜品就食左去泰国必食嘅香蕉煎饼。香蕉煎饼比一般嘅大块，而且较酥脆，睇到有好多层。薄饼里面有蛋同香蕉，配搭住忌廉/ 炼奶/ 朱古力酱食简直一流！鲜椰子水 $38椰青大大个，仲雪到冻冰冰，好fresh。泰式奶茶（冻） $28 泰式奶茶茶底好香，而且唔会太甜。