水門雞飯 (豉油街)

营业中

休息中

个个话去泰国一定都要食水门鸡饭，但系香港都有水门鸡饭食啦。 最喜欢泰国菜酸酸地开胃嘅味道，系咁热嘅日子都可以继续食落去。泰北青冬阴鱼片汤粉曾经喺泰国一间餐厅食过冬荫石斑觉得非常深刻，当见到menu有泰北青冬阴鱼片汤粉嘅时候就忍唔住要试下，我就拣左河粉。汤底多酸带少少微辣，比起泰国食到嘅少咗份刺激，但都足够令我回想起泰国嘅味道。鱼片数量都唔少，又大大旧。另外汤入面仲有啲草菇蚬同柠檬，整体味道酸嘅比例较多，配上鱼片系香港黎讲算几特别。秘汁泰式生虾有六只生虾，都几大只，新鲜弹牙，个酱汁都好开胃。泰式炆鸡脚 另外单点左份鸡脚，份量真系多到估唔到，好彩算煮得几淋，岩哂钟意吮鸡脚嘅人。见到跟餐同单点都系加十几蚊就有，份量够多，岩哂一齐share。香茅特饮食泰国野必须清新解渴嘅饮品，酸酸地又带啲香茅味，清新消暑。