影片
更多
2024-06-12
45 浏览
餐厅应该系新开，占地好大，门口睇落好多人食紧饭，但原来入边仲有好多位 ，唔使等 。睇餐牌嘅价钱就中规中矩啦，装修同埋餐具都几特别。猪颈肉茄子沙律猪颈肉占大部份，调味都几有层次 ，唔会好辣但开胃 。店员冇讲吓系点食，我估隔离个椰菜应该系当生菜包咁配住食 。不过原棵真系有啲难分黎食，如果可以不如提供椰菜丝。船河（牛筋/牛颈脊/牛丸）有四款面底拣，我拣咗阔河粉。睇相都见汤底好浓郁，配搭埋枱面嘅辣椒粉就更加惹味 。咁多款配料中最钟意牛筋，炆到好腍。黄咖喱蟹肉饭呢个虽然有好多蟹肉，但食落有啲失望，黄咖喱汁太甜，亦都唔系好有层次，整体比较普通 。烧原只鱿鱼酸辣汁惹味，配埋烧到好香嘅鱿鱼系冇得输香茅青柠沙冰大大杯，酸甜平衡得几好椰青水清甜解辣
睇餐牌嘅价钱就中规中矩啦，装修同埋餐具都几特别。
猪颈肉茄子沙律
猪颈肉占大部份，调味都几有层次 ，唔会好辣但开胃 。店员冇讲吓系点食，我估隔离个椰菜应该系当生菜包咁配住食 。不过原棵真系有啲难分黎食，如果可以不如提供椰菜丝。
船河（牛筋/牛颈脊/牛丸）
有四款面底拣，我拣咗阔河粉。睇相都见汤底好浓郁，配搭埋枱面嘅辣椒粉就更加惹味 。咁多款配料中最钟意牛筋，炆到好腍。
黄咖喱蟹肉饭
呢个虽然有好多蟹肉，但食落有啲失望，黄咖喱汁太甜，亦都唔系好有层次，整体比较普通 。
烧原只鱿鱼
酸辣汁惹味，配埋烧到好香嘅鱿鱼系冇得输
香茅青柠沙冰
大大杯，酸甜平衡得几好
椰青水
清甜解辣
张贴
