龍亭

呢间餐厅晚市铁板烧特惠价$488已经有8品，而我哋因为有朋友生日就食豪啲，拣咗呢款［极品海胆和牛龙虾10品］$1360，10品中除咗沙律之外其余9品都有海胆，就连甜品都有海胆呀😆。🥢墨西哥海胆玉子豆腐除咗豆腐面有片鲜甜海胆外，原来豆腐都系用海胆整，带少少咸香亦好滑溜，夹埋紫苏叶一齐食，既浓郁又芳香。🥢时令有机杂菜沙律有机蔬菜每日从新界新鲜运到，配搭咸鲜香口嘅黑鱼籽及烟三文鱼，清爽好味。🥢塔斯曼尼亚海胆配法国生蚝Gillardeau Oyster 法国生蚝好鲜甜，配搭咸鲜三文鱼籽及浓香海胆，以及衬上靓靓嘅蝶豆花海盐慕丝，冇得输嘅配搭。🥢白松露海胆兰王温泉蛋白松露嘅浓香，配上绵密海胆及浓郁蛋香嘅兰王蛋，齿颊留香。🥢北海道海胆烧半熟带子半熟带子口感爽滑清甜，下层配上清爽意大利青瓜。🥢紫海胆烧溏心鲍鱼鲍鱼口感好好，软滑又爽弹。🥢秘制海胆酱烧澳洲龙虾澳龙非常爽弹juicy，味浓而鲜甜，配上海胆酱整体味道更加浓厚。🥢澳洲海胆炒极品松本A5和牛和牛肉质嫩腍而牛味浓，内里卷咗成条脷咁大嘅海胆，口感绵密浓香又鲜甜，并且包住香葱及干蒜，惹味嘅配搭。🥢加拿大海胆和牛脂炒饭 炒饭馅料有三文籽、海胆、鲜虾、黑松