喜記蟹將軍

营业中

休息中

之前食过港岛𠮶边嘅分店觉得好好食，所以约咗屋企人嚟尖沙咀店食晚饭。尖沙咀店喺美丽华商场2期，交通好方便。我哋嗌咗个青瓜拌海蜇做前菜。青瓜、海蜇口感爽脆，有啲麻油味同醋酸味道好开胃同好有层次。之前我哋试咗佢哋嘅招牌炒辣蟹，今次试下同样有特式嘅「招牌蟹油炒面」。面条口感弹牙，加上佢哋嘅招牌蟹油香气十足。芽菜、葱段嘅加入令味道更加丰富。同埋亦提供咗一啲口感上嘅层次。我哋都好钟意𠮶种咸咸香香嘅味道。我哋仲叫咗个姜葱生蚝煲。蚝肉只只都好大好饱满，味道鲜甜，仲有啲海水味，令人充满食欲。阵阵姜葱香味道好吸引，特别啱配白饭食。