影片
更多
2024-07-10
4477 浏览
因为屋企长辈同佢有深厚渊源，父母亲节生日或者做节都走唔甩嘅饭堂，我大大话话至少去咗100次，应该系我帮衬得最多嘅餐厅😆讲少少背景，其实容龙已经有85年历史，前身系容龙别墅，有酒店、游泳池、露天茶座，仲有动物园，有马骝笼，孔雀笼，真系好巴闭，感觉有少少似龙华酒店咁，30几年前改建咗部分地方做餐厅，而家餐厅停车场都仲有几架老板嘅劳斯莱斯泊咗喺度。一坐低嘅餐前小食系荞头同花生，讲返海鲜，我每次都会去三圣海鲜街拣完海鲜就拧上去食，长辈净系帮衬关财记一档😅除左自己拧佢哋仲可以帮你揾架货车车埋上容龙，自己买海鲜上去会抵过喺容龙直接叫海鲜，基本上我食左十几年每次来来去去都系食果几样𩠌。。。简称容龙十宝🤣美国桶蚝：一定系砵酒焗蚝做法，一打开锡纸系好香，食落个边位好脆口，表面好干身得嚟肉哋又creamy，外脆内嫩，有时蚝种问题会比较糊口及淋身😬海龙趸🐟：通常买到大嚿腩位就会两食，分别系红焖斑头腩及海龙𧄌炒球，如果比较细嚿就只会拣前者，其实食龙𧄌最正系层皮，脆粉包住啲鱼皮加嫩鱼肉，好重鱼油香，曾经试过有一次餐厅煮果阵整走晒啲皮，长辈闹到傻😅蟹🦀：因应唔同季节买唔同嘅蟹，通常都系蒸香蒜奄仔蟹笼仔糯米饭，蒜蓉
一坐低嘅餐前小食系荞头同花生，讲返海鲜，我每次都会去三圣海鲜街拣完海鲜就拧上去食，长辈净系帮衬关财记一档😅除左自己拧佢哋仲可以帮你揾架货车车埋上容龙，自己买海鲜上去会抵过喺容龙直接叫海鲜，基本上我食左十几年每次来来去去都系食果几样𩠌。。。简称容龙十宝🤣
美国桶蚝：一定系砵酒焗蚝做法，一打开锡纸系好香，食落个边位好脆口，表面好干身得嚟肉哋又creamy，外脆内嫩，有时蚝种问题会比较糊口及淋身😬
砵酒焗桶蚝
228 浏览
2 赞好
0 留言
海龙趸🐟：通常买到大嚿腩位就会两食，分别系红焖斑头腩及海龙𧄌炒球，如果比较细嚿就只会拣前者，其实食龙𧄌最正系层皮，脆粉包住啲鱼皮加嫩鱼肉，好重鱼油香，曾经试过有一次餐厅煮果阵整走晒啲皮，长辈闹到傻😅
蟹🦀：因应唔同季节买唔同嘅蟹，通常都系蒸香蒜奄仔蟹笼仔糯米饭，蒜蓉渗落个糯米饭度超香喷喷，起码要留肚食返两碗饭，另外试过有一次餐厅整错咗，整咗盐焗奄仔蟹，即刻觉得好有新意好好味，下次又多咗一个选择😂
大虾🦐：拣啲大只虾做豉油王干煎大虾，走过油成只都好脆卜卜，虾身虾尾嘅壳都可以吞埋，豉油汁味道甘香，通常每人一只已经好够，但如果请客最好唔好第一味上菜，否则客人以为你好寒酸，虽然其实食到最后系会饱到反艇😅
澳洲龙虾🦞：容龙最出名嘅系脆皮芝士焗龙虾，不过我只系食过一次，因为家中长辈话佢哋用嘅芝士唔靓，同埋食落好干争争🤫🫣所以我哋都系配搭返传统嘅上汤焗法最正路，味道浓郁，有时偏咸😅
象拔蚌: 长辈唔食刺身，所以我哋拧嚟打边炉🤣仲加碟生菜，比隔离台系咁眼望望👀然后有个象拔蚌胆，餐厅提议椒盐食法，又真系好惹味㖞🤩
扇贝🐚：蒜蓉粉丝蒸扇贝，唔驶多讲，蒜蓉粉丝劲入味，发挥正常水准，如果买到苏格兰扇贝更加肉厚鲜甜👍
除左海鲜之外，容龙其实有其他小菜都好有水准，重要事情讲三次，一定要叫中式牛柳！中式牛柳！中式牛柳🐮😆爆多汁同洋葱，甜甜哋好开胃，捞饭一流，牛柳好软淋但唔会乸到好大阵松肉粉味，反而有阵烟熏香味，牛味浓郁，必食推介🤩
108 浏览
0 赞好
0 留言
另外仲有红烧乳鸽同烧鹅都好出名，有啲人会叫佢嘅烟仓鱼，大嘅仓鱼已经买少见少，所以都几难得可以食到咁厚肉嘅仓鱼。仲有一味𩠌系历史悠久，叫做美篮鸡🐔， 系一个篮装住啲炸鸡，炸洋葱圈，炸南瓜，类似天妇罗咁，超好味，但而家唔知仲有冇做，我都系食过一次，佢系比起韩国嘅炸鸡早好多好多年代已经有，走在潮流嘅尖啄😅
最后到甜品，好多人必叫佢嘅椰皇鲜奶炖蛋白，但长辈话佢好似系奶粉开所以唔会叫🫣🤐，我哋只会食佢送嘅陈皮红豆沙，以前真系好香陈皮味煲到起晒沙，而家比较失色，连以前送嘅饭后果西瓜都唔见鸟🪽
自费海鲜连酒楼加工火料钱及其他杂费，人均消费$400，未计酒楼嘅小菜费用🙂
231 浏览
0 赞好
0 留言
容龙海鲜酒家
屯门青山公路19咪半
评分：最高为5分
治愈度：👩⚕️👩⚕️👩⚕️👩⚕️
抵食度：💉💉💉💉
翻兜指数：🩺 × ♾️ 我冇得拣😆
张贴
