影片
更多
2024-04-14
288 浏览
🗓熊妹同树熊难得放正红日，梗系出街食，凑下节日热闹啦！今次嚟到铜锣湾，要揾间楼上Cafe又想环境靓啲，听讲《Umi》有个无敌靓海景🌌，其实熊妹都想去好耐，今日一于去感受吓咩环境。📌《Umi》开中午12点到下午4点，然后晚上6点到10点，中间4-6点系落场时间。📌餐厅都几大，L型格局，一边放上了8张二人枱，另一边有两大张四至六人沙发枱🛋，而对住无敌大海景嘅窗口位就系两张二人枱同埋两张大枱，想霸到窗口位🖼，真系要早啲Book定枱，因为个个都识得book枱，然后早啲嚟到攞位，真系手快有手慢冇，好彩熊妹今日book左晚上六点，都早咗5分钟黎，成功地坐到窗口位，环境特别系窗口位对熊妹嚟讲真系好紧要㗎！📌位于湾仔告士打道，其实都属于铜锣湾尾湾仔头，告士打道就系海旁附近，一定对住成个海景。《Umi》仲要系13楼高层，成个尖东海景真系一览无遗👁。📌大路嘅Cafe餐牌，有意粉🍝、all day breakfast🍱、汉堡🍔、沙律🥗、小食🍤同甜品🍩，当然仲有冲调咖啡同埋non-coffee特饮，价钱都唔贵，主食类别都系$128至到$158，加$28有柠檬茶特饮及乳酪杯，或者加$48有自选饮品及精选甜品，加
📌《Umi》开中午12点到下午4点，然后晚上6点到10点，中间4-6点系落场时间。
📌餐厅都几大，L型格局，一边放上了8张二人枱，另一边有两大张四至六人沙发枱🛋，而对住无敌大海景嘅窗口位就系两张二人枱同埋两张大枱，想霸到窗口位🖼，真系要早啲Book定枱，因为个个都识得book枱，然后早啲嚟到攞位，真系手快有手慢冇，好彩熊妹今日book左晚上六点，都早咗5分钟黎，成功地坐到窗口位，环境特别系窗口位对熊妹嚟讲真系好紧要㗎！
📌位于湾仔告士打道，其实都属于铜锣湾尾湾仔头，告士打道就系海旁附近，一定对住成个海景。《Umi》仲要系13楼高层，成个尖东海景真系一览无遗👁。
📌大路嘅Cafe餐牌，有意粉🍝、all day breakfast🍱、汉堡🍔、沙律🥗、小食🍤同甜品🍩，当然仲有冲调咖啡同埋non-coffee特饮，价钱都唔贵，主食类别都系$128至到$158，加$28有柠檬茶特饮及乳酪杯，或者加$48有自选饮品及精选甜品，加$88就有自选饮品及自选甜品。一杯饮品价钱都要40几蚊，熊妹认为加$48的套餐就最抵食，即系等于送多款甜品✨。
自家手打和牛芝士汉堡配脆香薯条
$138
13 浏览
0 赞好
0 留言
汉堡包好大一个，热熔芝士🧀铺系汉堡排上面被灯光照住真系好似发光咁🌟，手打汉堡扒超厚一块，真系有一寸咁厚，肉质唔散，煎到啱啱好，咬落去汉堡肉超Juicy仲有肉汁流出嚟再带点芝士嘅咸香，然后一片新鲜生菜同埋蕃茄🍅再解肉类嘅油腻，汉堡包嘅滋味就系点解熊妹咁钟意食汉堡包嘅原因。
自家手打和牛芝士汉堡配脆香薯条
$138
6 浏览
0 赞好
0 留言
伴碟有好一大堆脆香薯条🍟，呢款薯条系中型size，脆炸的形式就算放凉咗都仲系好香口，熊妹钟意食㖞！
甲罗烧配龙虾汁海鲜意粉
$158
2 浏览
0 赞好
0 留言
好惊世地发现有呢款意粉🍝，坊间好少有，而且众所周知，甲罗烧呢啲咁名贵嘅食材，系居酒屋入边食一只都要百几蚊，而家系可以连埋海鲜意粉都系咁嘅价钱，谂都唔使谂梗系试吓啦！
真系成只甲罗烧🦀放喺中间，入面装住满满的蟹膏，仲有满泻嘅一大堆蟹籽，真系澎湃到泻晒出嚟，呢个份意粉一上枱已经成为枱上嘅主角。
甲罗烧配龙虾汁海鲜意粉
$158
3 浏览
0 赞好
0 留言
爆谷绿鸯
7 浏览
0 赞好
0 留言
喺咖啡款式入边见到呢款爆谷绿鸯，听个名几吸引，唔知系咩嚟嘅？
原来系牛奶咖啡沟绿茶，所以叫绿鸯。中式鸳鸯系奶茶沟咖啡，呢款可以话系西式鸳鸯，冲调咖啡沟绿茶冻饮，又几特别㖞！
面头一层牛奶泡沫，然后三份二杯系牛奶咖啡，仲有底层绿茶，形成一个渐变嘅颜色对比，加埋四粒金黄嘅爆谷放喺奶泡上面作点缀，卖相已经攞晒分喇！💯
先入口嘅系牛奶咖啡☕️，味道唔甜，所以咖啡味好出，然后小小嘅绿茶浆🍵会慢慢涌上来，带点甜味又有苦涩嘅绿茶浆质感浓稠，所以沉喺杯嘅底部，形成咖啡上轻绿茶下重嘅渐变效果，再将浓浓的绿茶浆与咖啡轻轻搅拌，就会形成呢个绿鸯，咖啡中又带点绿茶嘅味道，呢个做法真系好聪明！无论视觉同味觉效果都好出色，特别得来绝对唔伏，值得一试！
绿茶慕丝蛋糕
9 浏览
0 赞好
0 留言
精选甜品竟然系中左熊妹最爱嘅绿茶蛋糕，又坐到窗口位又食到最爱嘅绿茶甜品！今日嘅幸运指数简直系爆灯💡！Yeah！
绿茶慕丝蛋糕
9 浏览
0 赞好
0 留言
柠檬茶特饮
1 浏览
0 赞好
0 留言
树熊净系钟意饮柠檬茶🍹，好彩有得叫！简单的柠檬茶再加多一片柠檬果干片，柠檬果干🍋喺柠檬茶入边浸耐了，释放返佢本身用糖腌制了的甜味，就变成特饮。
乳酪杯
6 浏览
0 赞好
0 留言
细细地一杯乳酪杯上仲有啲蜜糖卜卜米， 酸酸甜甜的乳酪，饭前饭后都🉑清一清口腔味道。
2 浏览
0 赞好
0 留言
张贴
