深宵食堂

营业中

休息中

以前喺铜锣湾食过深宵食堂，近排见旺角开咗分店就揾埋友人嚟回味下。友人无酒不欢，啤酒够冻唔错。巨峰提子梳打味道够甜。汁烧鸡肾 - 咬落韧韧地有口感，烧得好入味。安格斯牛柳 - 肉质松软多肉汁好juicy，好好味！厚烧牛舌 - 口感软中带韧，烧得唔会太干身。芝士翠玉瓜 - 口感爽脆，芝士烧得半溶有啲痴牙。和风牛肉饼 - 外层炸粉香脆，中间嘅薯蓉香浓软滑，可惜牛肉比较少。盐烧秋葵 - 好爽口，味道咸咸地唔错。日式炒面 - 炒得好入味，味道有啲似大阪烧。鳗鱼玉子烧 - 玉子结实唔会一夹就散，食落味道比较偏淡，加埋茄汁味道啱啱好。