粉制良品

营业中

休息中

今次去到深水埗，唔入餐厅揾嘢食，捐窿捐罅揾到一间用筲箕嚟蒸河粉嘅小店（蒸柜桶肠粉/手制濑粉就听过🤣）。估唔到小店人流不绝，好多附近街坊都会立食/买外卖返屋企食，绝对系性价比一流！🌟手撕鸡筲箕河粉蒸河粉嘅筲箕痕迹轻而易见，河粉比较实色唔透光，证明落足料既米(用咗陈年梯米)嚟磨米浆，唔点沟粉，质感比平时蒸肠粉更幼滑。但又冇平时食既河粉咁弹牙，感觉上冇平时食嘅河粉咁油腻，更健康。每份河粉都会洒上花生碎🥜同菜脯粒，口感同味道都丰富👅。手撕鸡🐔份量不少，落咗少少芝麻酱调味，再加埋青瓜丝十分匹配。记住一定要落埋秘制酱油，唔太咸又有香浓嘅干葱同蒜味。🌟牛三宝筲箕河粉牛三宝就有齐牛腩、牛筋同牛肚。牛腩细细旧，带有少少筋膜又唔会太韧。牛筋都炆得几腍，有少少黏口。牛肚就唔算炆得好腍，有啲咬口。🌟火鸭丝碗仔翅呢度嘅碗仔翅有齐基本嘅冬菇丝同木耳丝，加上火鸭丝，三款配料都切得比较粗身有咬口。调味适中，唔会太杰身。