金鳳大餐廳 (D2 Place TWO)

营业中

休息中

之前听人介绍金凤，今次终于抽时间去食! 今次去D2place呢间分店，位置虽然唔多，但坐得阔落。今日早左收工，630到，唔洗等位，直接入座。7点打后就开始见到人龙啦! 黎金凤，一定要试扒餐。叫左西冷牛扒餐，7成熟，可以简黑椒汁/蒜蓉汁。扒餐自动配薯菜，今次简左黑椒汁。跟餐有埋餐包同餐汤，罗宋汤足料，带少少甜甜地。 餐包上台热辣辣，可以整得融牛油架。一上菜时，店员会提醒我地拎起餐巾系面前挡一挡先倒黑椒汁，倒落去个下炸~ 一声，好够热。块扒好大块，黑椒汁调得好好，好够味。另外叫左金凤皇牌焗猪扒饭，上台又系热辣辣，猪扒好大块，完全冇筋位。蕃茄汁好浓味，仲有好多拉到丝既芝士，配埋炒饭底简直一流。仲要价钱好相宜!!!野饮叫左特色野，雪糕红豆冰，雪糕系云尼拿味，好食又好饮。