遊園

营业中

休息中

记得2年前朋友请我食过呢间『游园·茶记』，印象深刻，只记得D食物好精致，好吸引，环境亦好中式，话说呢度嘅室内装潢以戏曲<游园惊萝>为中心概念，配埋开放式庭园设计，刻意重塑<牡丹亭>中场景，展现古时候的中国。久别重逢，再次来到拣咗『桂花话梅温室蕃茄』为前菜，话梅系靓话梅，温室蕃茄已去皮，用心机腌制的蕃茄，带有少少桂花清香，非常之开胃。呢度嘅招牌菜『金牌烧鹅』(例牌)上次食过，依然记得的好滋味所以必叫，D皮好脆，食落有声而且表面光泽吸引，鹅肉好juice，亦配有酸梅酱点缀。芫茜系近排食肆时常见到，呢度的『芫茜汤牛丸墨鱼丸潮州鱼片拉面』亦好好味，墨鱼丸更得我欢心，弹牙之余亦食到墨鱼粒粒，果然系真材实料。『游园小炒皇』有韭菜花，虾干，银鱼干，菜甫，叉烧丝，腰果，有咁多材料咩营养都齐晒。