影片
更多
2022-10-05
3172 浏览
你有冇去过戏曲中心入面嘅古色古香的茶室风情？我对戏曲兴趣不大，不过就因为之前呢度出左个芫茜面而特登走过食下午饭，上次食过已经觉得呢度嘅水准唔错，但今次食埋粤菜之后就更加深刻。餐厅典雅嘅装修当然唔使讲，你嚟到就自然可以影下𠮶个好出名嘅打卡位「牡丹亭」，最重要系佢嘅食物好有心机作出特别二次创作，用上唔同嘅世界食材，而加上经典嘅粤菜精粹手法，今晚食嘅菜式就深刻体现到呢个特色。 第一个上的焦糖菠萝黑毛猪叉烧已经深刻体验，烧到又香又有焦糖感嘅菠萝配上西班牙来嘅黑毛猪，好有特色，甜同咸嘅夹杂，有细个小时侯嘅BBQ感觉。自我饮过呢个咁补嘅姬松茸炖野生水鸭汤后，我就爱上了水鸭，之后去潮州菜都特登拣返饮野生水鸭煲嘅汤，呢个炖左五到六个钟头，加上大量嘅姬松茸，好甜好滋补，唔经唔觉你会至少饮三碗以上。本想点歌乐山辣子鸡，但店方话歌乐山辣子波士顿龙虾仲好食，咁仲好，呢个辣真系唔系个个接受得到，不过龙虾完全沾上了唔同材料同辣椒嘅香，加上好多腰果伴碟，食到停唔到口，如果可以送一杯啤酒应该更好。劲大碟嘅浓汤酸菜龙趸球真系吓死人，你以为系个碗大吓亲你，其实佢入面嘅龙趸球每件都好大件，加上大量嘅芽菜同埋薯粉，不过唯一嘅
你有冇去过戏曲中心入面嘅古色古香的茶室风情？我对戏曲兴趣不大，不过就因为之前呢度出左个芫茜面而特登走过食下午饭，上次食过已经觉得呢度嘅水准唔错，但今次食埋粤菜之后就更加深刻。
餐厅典雅嘅装修当然唔使讲，你嚟到就自然可以影下𠮶个好出名嘅打卡位「牡丹亭」，最重要系佢嘅食物好有心机作出特别二次创作，用上唔同嘅世界食材，而加上经典嘅粤菜精粹手法，今晚食嘅菜式就深刻体现到呢个特色。
第一个上的焦糖菠萝黑毛猪叉烧已经深刻体验，烧到又香又有焦糖感嘅菠萝配上西班牙来嘅黑毛猪，好有特色，甜同咸嘅夹杂，有细个小时侯嘅BBQ感觉。
自我饮过呢个咁补嘅姬松茸炖野生水鸭汤后，我就爱上了水鸭，之后去潮州菜都特登拣返饮野生水鸭煲嘅汤，呢个炖左五到六个钟头，加上大量嘅姬松茸，好甜好滋补，唔经唔觉你会至少饮三碗以上。
本想点歌乐山辣子鸡，但店方话歌乐山辣子波士顿龙虾仲好食，咁仲好，呢个辣真系唔系个个接受得到，不过龙虾完全沾上了唔同材料同辣椒嘅香，加上好多腰果伴碟，食到停唔到口，如果可以送一杯啤酒应该更好。
劲大碟嘅浓汤酸菜龙趸球真系吓死人，你以为系个碗大吓亲你，其实佢入面嘅龙趸球每件都好大件，加上大量嘅芽菜同埋薯粉，不过唯一嘅缺点系个汤酸咗少少，但我个人都很喜欢。
游园烧鹅没有花式跳水，只系努力造出一个好成绩，烧鹅皮脆到不得之了，加上了肥美嘅烧鹅肉，点下个酱汁，送碗饭就适合。
梅菜蒸菜心，条条菜心都好粗，你以为会好老，对唔住全枱都一致赞好。
家乡莲藕饼，好大件，虽然我唔系好钟意莲藕，但系又几好食。
今天不吃芫荽面，因为有个招牌台山黄鳝煲仔饭，如果你好此度，你一定要食，之前曾经喺深水埗之前曾经喺深水埗聚友食过劲美味的黄鳝饭，呢到粒粒饭都招上强烈嘅焦香，加上红枣香，劲大件嘅黄鳝，好令人著迷。如果下次再嚟，我相信唔系因为芫茜面，系因为呢个台山黄鳝煲仔饭。
甜品又系大惊喜，桑寄生莲子蛋茶嘅足料同好饮之程度，同永年面家，源记甚至澳门好出名嘅伯伯有得挥，亦都系不能错过嘅甜品。
另外，老婆点左杯奶茶雪糕凉粉红豆冰，听个名都不得了，解辣一流。
之前我以为呢间餐厅只系食普通嘅粤菜，原来我都真系误解好深，下次值得同朋友嚟试多几款唔同嘅菜式。
张贴
