更多
2023-12-16
115 浏览
今日去开元朗见到呢一间上海菜,见佢又大间,坐得又几舒服,所以就同朋入去试下。佢食物有好多嘅选择,我哋都拣咗好耐先选择到,因为都好多嘢想食😆😆担担面🍜我哋每人叫咗一碗担担面,佢嘅面系上海面嚟嘅,粗粗地,份量都几多。佢地嘅担担面系有少少辣辣地,个汤都好浓郁麻麻辣辣嘅味。回锅肉🥘炒得几香,而且都几够味,上面啲菜吸晒回锅肉嘅精髓,几好味😋佢嘅腩肉都有唔少,而且亦都唔会觉得好肥,如果送饭嘅话就一流啦👍🏻片皮鸭🦤见好多人都介绍食佢地既片皮鸭,所以我哋都叫咗嚟试吓,佢嘅片皮鸭都几好食,个酱好配合到个鸭,包住个个皮又唔会太厚,加上佢会有埋呢个嘅青瓜同埋京葱,令到件事清新咗,唔会觉得好油腻😋😋
张贴