喜記蟹將軍

营业中

休息中

同朋友讲咗好耐嘅食蟹，终于可以起行！我哋两个女仔叫一只肉蟹、再要啲小菜、仲有蟹油炒面，估唔到细细只都几够食！肉蟹（一只、细嘅）$788有种椒盐炒蟹、辣度可以任拣。由于本身我自己唔系好食得辣，所以就叫咗小辣。蟹d炸脆配埋食都正，肉蟹新鲜啖啖肉。豉椒炒蚬 $108蚬个汁都正，好似带少少甜咁，蚬肉新鲜，火候十足，非常惹味。椒盐九肚鱼 $108九肚鱼几外脆内嫩，即炸所以入面仲热，有椒盐味，调味得唔错。干锅花菜 $98呢只椰菜花用咗酱油嚟炒，所以有一种食紧啫啫煲嘅感觉。招牌蟹油炒面 $88同平时𠮶啲豉油王炒面唔同嘅地方，但系佢用咗蟹油嚟炒，所以食个淡淡海鲜嘅感觉。都几特别。呢度系中菜厅嘅格局，座位都几舒适。