黑布小巷

营业中

休息中

从前蒲葵广，经常帮衬黑布小巷，今日就去咗亿利揾返令人怀念嘅味道。一到达楼层，就见到小小嘅人龙，好彩唔算等太耐就有位，即刻坐低叫晒所有我最想食嘅嘢。台式嘅蛋饼真系好好味，今次就拣咗芝士火腿肉松蛋饼，虽然材料简单，但系一拍即合。另外就拣咗慢烤鸡腿芝士蛋吐司，餐厅仲会提供手套，可以放心大啖大啖咁食。厚厚嘅鸡腿配上浓郁嘅芝士，面包烘焙得刚刚好，每人半份开心share，就可以试多几款菜式。手工卤肉虾卷便当份量相当多，下次应该要叫小饭。卤肉肥瘦适中，煮得够腍，充满肉汁，捞饭一流。虾卷总共有三条，满满嘅虾肉非常弹牙。个人认为台式嘅花枝丸完胜港式墨鱼丸，所以我每次必食，今次选择咗淮盐味，其实唔点都已经咁好食。呢度嘅台式饮品都系佢哋自家制，沿用台湾出品嘅材料炮制，当然要试番2杯。桂花雪梨罗汉果茶味道清甜，饮落够晒滋阴。古早味冬瓜茶系我去台湾必饮嘅台式饮品，而呢度嘅冬瓜茶绝对有台湾嘅水准。最后嚟个甜品，芋头椰汁三色芋圆系佢哋嘅必点招牌菜式，芋圆超大粒，又够Q弹，配合椰汁味道都非常夹。