影片
更多
2023-04-04
38 浏览
众所周知九龙城以泰菜同牛肉饼闻名于世 但原来喺呢个国度入面有一间几多人推荐以飞机海鲜货做卖点嘅粥底海鲜蒸锅.... “蟹仙“🤔 身为业余海鲜控 等我打开呢个潘朵拉飞机海鲜的盒子🙃舖头有唔同价位嘅海鲜套餐 平嘅一位四百几到贵嘅千几都有 身为夹心阶层嘅我 拣中价$699嘅“刁钻海鲜套餐“(见图)系正常不过🙂 _____________▶️ 蟹皇海哲一个几有心思嘅搭配 无味爽脆嘅海哲中和左浓味蟹黄嘅腻 香得黎又有口感 整体几和谐 系一个唔错嘅前菜👌🏻▶️ 濑尿虾 x 1 (冻食）上台嘅濑尿虾系冇膏嘅😆 (本人系濑尿虾无膏派系人士🙃) 有前臂甘上下大只 肉系满壳 紧致唔松散 入口劲鲜甜 味蕾上嘅冲击有惊艳到我！老板话系要先冻后蒸先做到甘弹牙紧实嘅口感 讲究👍🏻▶️ 黄膏肉蟹 x 1 🦀今日只蟹系中等身材 非常健硕 唔系出面食到壳就L size..肉就S size嘅宿水货👍🏻 肉系可以一梳一梳拆出黎 细致鲜嫩 值得一试🙂▶️ 龙虾 x 2 🦞 牡丹虾 x 2 🦐 (二食: 蒸 + 刺身)二食系龙虾餐嘅标配 刺身食到龙虾最原始嘅爽脆口感 蒸可以食到龙虾本身嘅鲜甜同肉嘅紧致弹牙～ 喺龙虾呢个层面 本人系蒸派
舖头有唔同价位嘅海鲜套餐 平嘅一位四百几到贵嘅千几都有 身为夹心阶层嘅我 拣中价$699嘅“刁钻海鲜套餐“(见图)系正常不过🙂
_____________
▶️ 蟹皇海哲
一个几有心思嘅搭配 无味爽脆嘅海哲中和左浓味蟹黄嘅腻 香得黎又有口感 整体几和谐 系一个唔错嘅前菜👌🏻
▶️ 濑尿虾 x 1 (冻食）
上台嘅濑尿虾系冇膏嘅😆 (本人系濑尿虾无膏派系人士🙃) 有前臂甘上下大只 肉系满壳 紧致唔松散 入口劲鲜甜 味蕾上嘅冲击有惊艳到我！老板话系要先冻后蒸先做到甘弹牙紧实嘅口感 讲究👍🏻
▶️ 黄膏肉蟹 x 1 🦀
今日只蟹系中等身材 非常健硕 唔系出面食到壳就L size..肉就S size嘅宿水货👍🏻 肉系可以一梳一梳拆出黎 细致鲜嫩 值得一试🙂
▶️ 龙虾 x 2 🦞 牡丹虾 x 2 🦐 (二食: 蒸 + 刺身)
二食系龙虾餐嘅标配 刺身食到龙虾最原始嘅爽脆口感 蒸可以食到龙虾本身嘅鲜甜同肉嘅紧致弹牙～ 喺龙虾呢个层面 本人系蒸派嘅🙃 蒸煮 既唔会破坏肉质上嘅紧致 同时可以令鲜甜味更突出 系1+1>2既效果👍🏻
相比起龙虾 刺身嘅牡丹虾几鲜甜 虽然肉质无熟嘅甘爽口 但牡丹虾嘅话 我会投刺身一票！
▶️ 琵琶虾 x 1
绝对系"我很丑 旦我很美味“界嘅一哥😆 同龙虾相比 琵琶虾嘅肉质会细腻柔软啲 唔似龙虾肉果种爽弹甘粗暴 虾膏味浓郁得黎唔苦 鲜味上同龙虾不相伯仲 几特别👍🏻
▶️ 南非鲍鱼 珍珠蚝 月亮贝 x 2 🦪
鲍鱼上台前已经去晒内脏 洗到白雪雪 入口好软嫩 一啲都唔韧 鲍鱼味足 好食🥰
珍珠蚝去壳上 熟左之后微微缩水 但都仲好饱满 咬开劲多汁 一啲都唔腥 唔错👍🏻
月亮贝入口会爆汁 相比之下海水味较重 建议怕咸嘅朋友可以拣大元贝/刀贝蚌🙃
▶️ 海鲜粥 🍲
呢个粥系用食剩嘅龙虾壳同猪骨去煮 店员仲会拆埋壳入面仅余嘅肉落个粥到 一啲都唔浪费👍🏻 个粥入口仲有饭嘅颗粒感 有淡淡嘅海鲜味 因为完全无调味嘅关系 建议配埋菜脯一齐食 唔止增加口感 菜脯嘅咸会带出粥嘅甜味 一举两得👍🏻
▶️ 椰汁炖燕窝
以为甜品会系布丁 泡芙 雪糕𠮶啲 估唔到系椰汁炖燕窝 有𫍯意😍 椰汁味好香 甜度啱啱好 每一羹都食到燕窝 都几足料 作为收尾 大满足😍
_____________
食后感📋：
最后埋单$1635 唔算平嫁 但海鲜嘅新鲜程度同质素系对得住呢个价👌🏻 与其平几旧水食啲细只到拆唔到肉/无甘新鲜嘅海鲜 不如对自己好啲 豪俾佢啦🙃
是日MVP: 濑尿虾 x 鲍鱼 x 龙虾 x 椰汁炖燕窝 😋
戴返头盔先🪖 以上嘅食评只代表我今次嘅体验 唔排除你会有一个不一样嘅感受🙃
非专业评分 (满分5⭐️)
卖相：⭐️⭐️⭐️⭐️
味道：⭐️⭐️⭐️⭐️
服务/环境：⭐️⭐️⭐️⭐️
回头率：⭐️⭐️⭐️⭐️
张贴
