大壹燒鵝 (MOSTown Street新港城中心大街(3期))

营业中

休息中

前星期经过这店，下午6点已有多人在门外等候，相信是等外卖。心里想应该唔差，唔系点会有人龙，于是昨日特登带爸妈去帮趁。相信是装修不久，虽然枱櫈是旧，但内里很光猛，地方亦很清洁正齐，卡位亦算阔落。叫咗星洲炒米、干炒牛河、叉烧烧鹅饭，全部包餐饮。先嚟叉烧烧鹅饭，份量适中，烧鹅唔算肥，有少少皮下脂肪，肉质嫰滑，叉烧好淋好有味道，真系有水准。星州炒米和干炒牛河份量十足，碟底完全冇油，米粉和河粉都干身，味道唔错。职员态度好好，上菜快，重自动问要唔要辣椒酱。走时刚好是下午茶时段开始，全店八成满座。真好，又多一间可以encore嘅食店。