Joia

营业中

休息中

环境优雅舒适。特色沙律 $148特色在整左一片片好薄嘅红菜头，颇有新意。本身唔钟意红菜头，但系因为佢整得好薄薄一片，个口感几薄脆新奇，捞埋一齐食又几好。整体系唔错嘅。西西里红虾意粉配辣车厘茄酱 呢个好普通，味道系一般嘅茄汁底意粉。完全唔系预期中红虾意粉𠮶种好虾膏味又鲜甜嘅味道。不过呢个价钱，又唔可以期望系好高质质嘅红虾意粉嘅味道。至于只虾就烧得几香嘅，但就系虎虾而唔系红虾。佢如果改返个名叫大虾意粉会符合预期多少少。意式杂菌烩饭 $208符合预期嘅味道，几有菇味，质地creamy。饭嘅质地都唔错。整体OK。👌🏼马铃薯芝士薄饼 $148见出边好少有得食薯仔pizza，就贪得意点咗。薯仔切得好薄。但系味道又冇话好惊喜，正正常常。芝士好充足。法国烧春鸡：呢只烧鸡反而整得几出色，皮好脆，肉都有香味。以呢个价钱嚟讲，水准唔错。不过系个size就细啲。