興記菜館

营业中

休息中

天寒地冻， 刚好约左班friend 去油麻地百老汇戏院睇戏， 咁就梗系去食窝煲仔饭啦！所以我地走左去庙街食煲仔饭， 好彩我地早左6点去到， 谂住食完去睇戏， 不过都要等左约30分钟， 好不容易攞到位， 又是要打侧身才行到入去坐， 因为赶时间及食左西北风很耐，所以立即点菜我地点左滑鸡煲仔饭， 凤爪排骨饭， 煎蚝饼同什菜煲， 当然要三枝cola 啦！滑鸡煲仔饭：鸡滑，不过骨多， 饭粒分明， 可惜这煲无做到焦黄 凤爪排骨饭：反而凤爪排骨， 份量的够， 排骨多肉， 做到有金黄饭焦， 正👍煎蚝饼:蚝仔份量够，饼煎得香脆 什菜煲:粉丝同菜量大， 可惜部份菜有沙呀！