劉興記生煎包專門店

营业中

休息中

一开始俾佢吸引到嘅就系堂食豆浆任饮，仲要价钱唔系贵$54就可以有个午餐仲有任饮豆浆 。种类嚟讲都算系几多，今日同同事就拣咗招牌上海排骨拌面＋生煎包1只，葱油鸡扒菜饭＋生煎包1只 。同埋另外再叫咗小笼包 。拌面同埋菜饭嘅份量劲大份，中午时段如果大食嘅话唔使惊唔够食 。另外就系最令人吸引系生煎包小笼包同埋豆浆啊！！生煎包咬嘅时候真系要小心因为真系会唔小心喷到对面，但系讲紧肉汁嚟讲真系叫做好多。个人觉得超级值得推荐。另外就系再叫咗小笼包，小笼包真系个个都好多汁， size真系一啖一粒好正。豆浆嘅话个人觉得如果唔钟意饮好甜，就可以拣佢啦，本身冇留意到写住低糖豆浆，点知饮落去真系低糖豆浆先发现原来个牌已经写咗。个人嚟讲唔钟意咁甜就非常之啱啦，豆浆嚟讲超级浓味，值得加分 。