影片
更多
2024-04-20
220 浏览
🔸招牌 生煎包 2个 / $20正宗沪式煎汤包颇大只，包子上面有啲黑芝麻，包底系煎得焦脆嘅，因为太大只，想先咬半口，一啖咬落去即刻爆汁，里面啲汤汁唧上鼻哥窿度，好似直入上眼角流出来，即刻攞纸巾擦眼，旁边啲其他人仲以为我个样夸张得好食到喊🤤 好彩啲汤汁唔系太热，而且仲几好味，咸甜适中，有啲冬菇嘅香味。 包里面啲肉饀仲系好嫩滑嘅😘 咁好味嘅煎包只系十蚊一只都算抵食😚味道：8/10性价比：9/10🔸蟹皇生煎包 2只 / $36煎得好香，有啲白芝麻洒喺上面，包里都系一样爆汁，满有汤汁嘅，个皮就薄薄哋脆脆哋。这个包比招牌煎包细一点，刚好一大口一个，唔会爆汁四溅，反而可以食到满口鲜甜嘅汤汁，包饀啲蟹皇肉比招牌生煎包更美味，师傅系即场包制，好新鲜。味道：8/10性价比：7/10🔸糖醋炸排骨汤面 $46 糖醋排骨系另外碟上， 肉排本身炸得香口又爽脆，成碟有6小块，淋咗啲好浓郁嘅酸甜汁，另外一碗清汤上海粗面，粗面同啲汤系淡味清清哋嘅，配咗几条青菜，铺上一堆蛋丝，蛋丝冇味但可以令到成碗面睇起嚟好靓，我就比较中意食浓味嘅糖醋排骨。味道：7/10性价比：7/10🔸鸡丝酸辣汤 $30 唔系
正宗沪式煎汤包颇大只，包子上面有啲黑芝麻，包底系煎得焦脆嘅，因为太大只，想先咬半口，一啖咬落去即刻爆汁，里面啲汤汁唧上鼻哥窿度，好似直入上眼角流出来，即刻攞纸巾擦眼，旁边啲其他人仲以为我个样夸张得好食到喊🤤 好彩啲汤汁唔系太热，而且仲几好味，咸甜适中，有啲冬菇嘅香味。 包里面啲肉饀仲系好嫩滑嘅😘 咁好味嘅煎包只系十蚊一只都算抵食😚味道：8/10
性价比：9/10
🔸蟹皇生煎包 2只 / $36
煎得好香，有啲白芝麻洒喺上面，包里都系一样爆汁，满有汤汁嘅，个皮就薄薄哋脆脆哋。这个包比招牌煎包细一点，刚好一大口一个，唔会爆汁四溅，反而可以食到满口鲜甜嘅汤汁，包饀啲蟹皇肉比招牌生煎包更美味，师傅系即场包制，好新鲜。
味道：8/10
性价比：7/10
🔸糖醋炸排骨汤面 $46
糖醋排骨系另外碟上， 肉排本身炸得香口又爽脆，成碟有6小块，淋咗啲好浓郁嘅酸甜汁，另外一碗清汤上海粗面，粗面同啲汤系淡味清清哋嘅，配咗几条青菜，铺上一堆蛋丝，蛋丝冇味但可以令到成碗面睇起嚟好靓，我就比较中意食浓味嘅糖醋排骨。
味道：7/10
性价比：7/10
🔸鸡丝酸辣汤 $30
唔系好辣㗎，酸味够晒浓，难怪人哋讲『酸甜苦辣，醋为先』 食落好醒胃，味道真不错。酸辣汤可以讲话系正宗上海菜里面必点美食，有木耳丝、冬菇丝、水豆腐、竹笋丝同埋有啲鸡丝喺汤里面，畀足料。
味道：7/10
性价比：7/10
🔸酥炸小云吞 12粒 / $25
云吞皮炸得好香脆，细细粒一啖一只，有小时候食街边炸云吞嘅味道。最适宜系配上餐厅提供嘅豆瓣酱，辣辣哋咸咸哋，跟云吞仔里面细细粒嘅肉䤾最配搭，系一个好惹味嘅小食。
味道：7/10
性价比：7/10
🔸麻酱手撕鸡丝冷面 $42
一大碗幼面混上麻酱同鸡丝，芝蔴酱落得好多，有超浓嘅蔴酱味，而且份量十足，大件夹抵食。
味道：7/10
性价比：9/10
🔸低糖豆桨 $10
小小一杯，几口就饮完，饮得出系真正嘅 现磨豆桨，好有黄豆香味，唔会过甜，十分好饮，可惜太细杯。
味道：9/10
性价比：6/10
张贴
