九鼎記粉麵世家

营业中

休息中

牛内脏众多，分上杂、下杂，上杂例如牛柏叶、金钱肚清理较易，可以卖到高价。下杂处理复杂，但被牛什店好好处理之后就成为一道非常特别嘅美食。一碗牛什面基本有有牛肚、牛肠、牛膀、牛肺、有时有牛心添。牛肚即系牛胃，有有4个胃，除咗上面提及嘅金钱肚(2号胃)、牛柏叶(3号胃)、之外，一般牛什店都系用草肚(1号胃)、牛沙瓜(4号胃)。牛沙瓜系4个胃最细𠮶，产量少，某某中环大牌档更加限量每日得1-2碗卖。所以见到旺角新开咗间牛什牛腩粉店有牛沙瓜食就过咗嚟试吓味道喇。呢间餐厅装修虽然光鲜，但厨房对正街，一大盘牛什滚到出晒烟，上面又挂著牛腩、牛肚，都好有以前嘅风格。牛沙瓜质地似猪肉，但系有牛肚嘅味道，我配咗河粉，同牛沙瓜相反嘅口感特别过瘾。另外仲试咗牛三宝，分别系牛腩、牛筋、金钱肚。金钱肚弹牙但系炆到好淋，牛筋软滑，牛腩隔肥隔瘦，三者都炆到好入味。