SLOW COW

营业中

休息中

今日排咗半小时，终于食到呢间小店～🐮Slow Cow 招牌（自选肉类＋主食+酱汁＋自家制忌廉）我同朋友拣咗日本大分和牛和慢煮熟成牛肉。和牛每日限量20份，手快有手慢冇，切得好够薄，有入口即溶的口感。熟成牛肉较厚身，但经过慢煮，一啲都唔会干身。两款肉保持粉嫩，美味。食肉兽可以加大牛肉嘅份量。之后，就到拣饭。本身想拣炒饭底，可惜卖晒，唯有拣番珍珠米～酱汁方面，我拣咗咖喱蛋黄酱，估唔到咁惹味，咖哩味浓又唔辣。另一款，红酒照烧汁就似日式烧汁，甜甜地。两个风味，配搭埋自家制鲜忌廉，又几趣致。想令到碗饭卖相靓啲或者牛肉再滑啲，提议加只日本兰王生鸡蛋黄～除咗日本丼饭，仲有美式小食-经典脆炸薯条。