影片
更多
2025-01-22
0 浏览
天气冻冰冰，当然最好就系打边炉啦，而打边炉，我就比较钟意任食，唔驶就住就住，可以疯狂食想食嘅野！由门口望入去，已经可以见到琳瑯满目嘅自助吧，而餐牌有唔同嘅set可以拣，我同朋友见到level 4有人气嘅牌仔，有澳洲谷饲黑安格斯牛及SRF美国极黑牛，睇落都唔错，就拣佢啦！而汤底就拣咗鸳鸯锅，由于朋友唔食得辣，所以就分别拣咗秘传牛肉清汤，同月见寿喜汤。两个都比较唔会太浓味，咁就可以冇咁腻，食多d野啦！作为一个肥牛杀手，难得见到个餐有唔同款牛肉，当然要先试晒佢地，再拣某款黎专攻，咁就最乎合经济利益喇！除咗澳洲谷饲黑安格斯牛及SRF美国极黑牛，个餐仲有prime美国肩胛肉眼同特选牛小排。首先澳洲谷饲黑安格斯牛系偏油脂丰富d，食落去油香多d，而SRF美国极黑牛相对上就瘦少少，但大大块，加只生鸡蛋变寿喜烧就最适合！而prime美国肩胛肉眼就再瘦d，但牛味都几浓，最特选牛小排就口感偏爽。每一款牛都各有千秋，人人都可以跟随自己喜好去拣。除咗牛肉，手机仲可以点其他野食，当中最特别一定系牛骨髓，依样未必到到有得食，煮唔驶好耐，滑溜嘅口感加上汤底香味，好特别。海鲜都相当多，有帆立贝、青口，大头虾等等。普遍都
天气冻冰冰，当然最好就系打边炉啦，而打边炉，我就比较钟意任食，唔驶就住就住，可以疯狂食想食嘅野！
由门口望入去，已经可以见到琳瑯满目嘅自助吧，而餐牌有唔同嘅set可以拣，我同朋友见到level 4有人气嘅牌仔，有澳洲谷饲黑安格斯牛及SRF美国极黑牛，睇落都唔错，就拣佢啦！而汤底就拣咗鸳鸯锅，由于朋友唔食得辣，所以就分别拣咗秘传牛肉清汤，同月见寿喜汤。两个都比较唔会太浓味，咁就可以冇咁腻，食多d野啦！
作为一个肥牛杀手，难得见到个餐有唔同款牛肉，当然要先试晒佢地，再拣某款黎专攻，咁就最乎合经济利益喇！
除咗澳洲谷饲黑安格斯牛及SRF美国极黑牛，个餐仲有prime美国肩胛肉眼同特选牛小排。
首先澳洲谷饲黑安格斯牛系偏油脂丰富d，食落去油香多d，而SRF美国极黑牛相对上就瘦少少，但大大块，加只生鸡蛋变寿喜烧就最适合！而prime美国肩胛肉眼就再瘦d，但牛味都几浓，最特选牛小排就口感偏爽。每一款牛都各有千秋，人人都可以跟随自己喜好去拣。
除咗牛肉，手机仲可以点其他野食，当中最特别一定系牛骨髓，依样未必到到有得食，煮唔驶好耐，滑溜嘅口感加上汤底香味，好特别。
海鲜都相当多，有帆立贝、青口，大头虾等等。普遍都够新鲜，仲有唔系到到有嘅花胶，正！
自助吧有好多野食拣，当中粟米大推，新鲜爽甜，而芋头都好够粉。而菇类都好丰富，基本上你讲得出嘅菇类都会有。比较特别系有关东煮拎，立即和风出晒黎。
炸物都有得拎，炸天妇罗外层够香脆，炸榴梿球内面d榴梿肉一咬即爆出黎，爱好榴梿者不能错过。
甜品亦系不容忽视嘅一环，有软雪糕、雪条、黑白豆腐花、马卡龙等等。我试完各样，最钟意系脆皮Tiramisu大福，外层系朱古力脆皮，包住糯米糍，再入面系Tiramisu嘅酱，口感劲丰富，下次一定要留肚食多几个！
🍽 牛気
📌 屯门屯顺街1号屯门市广场1期3楼3235, 3236, 3237 & 3239号舖
☎️ 2363 3181
⏰ 星期一至日 11:30 - 23:00
#JANPAN #打边炉 #肥牛杀手 #HK #FOODIE
张贴
