輝哥私房菜 (已結業)

天气一下子冻，连平时唔想出街食饭嘅朋友，都会约出嚟打边炉，成班人围埋一齐暖粒粒，感觉确实系唔错。今次有识路嘅朋友带我来食私房菜火锅，真真正正的楼上铺。如果你食惯咗特级安格斯牛颈脊就会知道大概价钱，$298 真系可以用抵食来形容。肉质柔软，牛味浓郁，肥瘦均匀。我本人就净系钟意食牛肉，但都要照顾一下猪一般嘅朋友这一碟西班牙黑豚肉，望落去都真系几靓，脂肪多，朋友食到拍晒手掌，应该都唔差嘅。跟住系个当晚特价$20几蚊一只鲍鱼仔，新鲜弹牙，一定要试吓。跟住系阿姐极力推介嘅鱼皮，重点系不是普通货色，是白鳝皮，果然入口更加松脆，口感讨好。冇理由净系食皮唔食肉架？好新鲜嘅白鳝片 $88，份量足，鲜甜滋味，肉嫩滑口。另一推介就系美颜花胶筒 $108，同出边街嘅真系争好远，够晒胶质，滚完都仍然系大大片，口感一流。仲有乒乓波咁大嘅鲜虾云吞 $58，原只鲜虾真材实料，系真系几好味道。其他手打丸都唔错，乌冬又系好货色，仲有第一次食紫色嘅淮山，今餐确实有惊喜。