Uma Nota

营业中

休息中

平时食西餐食到厌厌地，今次就同朋友揾咗间巴西同日本fusion菜试吓。餐厅位于上环嘅SOHO区，装修得非常之有特色，有着拉丁美洲独特嘅热带风情。平日嘅七点前都系happy hour ，酒品每杯只需$50左右，非常抵饮！我同朋友就点咗杯Cocktail of the day，望落有少少似Mojito，味道非常清新。手握寿司精选分别系吞拿鱼山椒、带子海胆泡沫同烟熏鸭胸，食材新鲜，而且调味独特。特别钟意呢件带子海胆泡沫寿司，食起上嚟鲜味十足。木薯芝士粒非常有咬口，中间有少少芝士嘅咸香。甜辣酱有少少似麦当劳𠮶种，呢度菜我就觉得冇乜特别。炭烧肉眼扒都几值得推荐，牛扒外层淋上咗青酱，食落带有微微的焦香。口感唔算话好腍，但胜在牛味香浓。甜品黑朱古力球好似一粒大型金莎咁，卖相非常之吸引。外面嘅脆皮系黑朱古力，中间嘅朱古力mousee亦唔会好甜，味道都唔错。