Umi

营业中

休息中

今次已经系我第二次黎UMI，上一次同朋友食过后觉得好正，即刻带埋老公黎试下。UMI环境设计简约干净，最吸引系仲有个大窗户可以望到靓海境！临近万圣节，餐厅应节地怖置了一下，还会送南瓜🎃灯给客人每一枱，很用心！💓🍝北海道带子明太子意大利粉 $148 - 望落令人非常有食欲，唔单止有大大粒嘅带子，仲有满满嘅蟹籽同埋蟹柳。浓郁的明太子风味与新鲜带子的鲜甜完美结合，意大利粉挂满香滑的酱汁，令人一口接一口，回味无穷。🥗UMI全日早餐 $138 - 依个全日早餐同出面非常唔同，以日式主题为主，有健康既沙律菜，烟熏黑豚肉肠，烟烟韧韧既日式芝士年糕，串串章鱼烧，烧大啡菇，紫薯饼.酸种包多士，樱花虾炒蛋，样样都出色！最后仲可以清新既柚子乳酪杯画下完美句点，大满足！真系值得一试！🍫缤纷乐榛子朱古力 $42 - 放了缤纷乐在朱古力面，玩味十足！饮落朱古力味无想像咁浓郁，不会过于甜腻，刚刚好，而且香气十足，充满朱古力与榛子的坚果风味！🍓草莓酸奶 $42 - 一饮便是浓郁的草莓香气，酸酸甜甜令人好开胃，而且仲有一粒粒的果肉，诚意十足！草莓酸奶表面撒仲上玫瑰花瓣，隐约中彷佛尝到玫瑰的香气，很特别！