E FOR EGG

营业中

休息中

家长朋友讲西环有间超高质甜品，上星期接完小朋友放学，庆祝佢哋终于考完试，一于搭几个站地铁去试吓，去到餐厅成个感觉都好chill，坐榻榻米食饭，小朋友觉得好新鲜，原本只系谂住嚟食甜品，但佢哋又话肚饿，结果叫咗碗拉面，同埋啲小食，天妇罗拉面，新鲜炸起，食入口好香脆，拉面面条质感好好，汤底好浓郁，另外叫咗饺子鸡翼，冇骨嘅口感，小朋友最钟意，啖啖肉食得特别爽，另外鸡肉串，鸡肉又咬口去埋酱汁好香浓，作为小食啱啱好。不过我最期待都系食呢度嘅甜品，下午茶咁啱可以点套餐，蛋糕加配饮品，食咗招牌窝夫，窝夫上面有鸡蛋嘅造型，但其实唔系真系鸡蛋，系甜甜地嘅cream，食入口好香滑。而小朋友就叫咗，绿茶栗子蓉窝夫，真系做得好出色，同我早前喺日本食嘅感觉竟然差唔多，最精彩入边嘅窝夫依然可以做到脆脆嘅口感，食咗呢个超大份嘅下午茶，饱到夜晚都冇食嘢，不过真系非常高质，下次一定要试埋其他食物。