YAKINIKU KAKURA (元點)

营业中

休息中

同个friend庆祝生日决定去食烧肉。今次揾到喱间靓靓和牛烧肉原来元朗都有分店，之前喺铜锣湾都食过，记得佢每人都送一份甜品，谂住唔洗买蛋糕。人气嘅大判烧黑毛和牛西冷，每次都必点，有员工们专业帮你烧，油脂好抢火，捞埋温泉蛋，一咬落去入口即化，好好味。今次特别叫左黑毛和牛横膈膜、腹柳小排、上肋骨肉。横膈膜嘅口感比较有实感，唔会话太肥，层次口感比较多，牛味较重。而腹柳小排就真喺油脂超强，入口即溶，一啖食落去感觉超邪恶。上肋骨肉口感比较结实，原全喺另类口感，食落去肉质好厚实。额外都叫咗牛肠因为佢好似每一次都特别喜欢，识落去真系好烟韧弹牙，总之就系好邪恶呀。因为食得太多肉类所以最后都补返个菜得自己平衡一下，凉拌菠菜的确真系可以解腻。额外都叫咗个鱿鱼试一试，呢一种鱿鱼系比较软糯口感嘅𠮶一种。甜品方面真喺好想大赞，就系因为佢够仪式咁和盒上，所以就带friend嚟庆祝生日。同埋布甸杏仁味好香好滑。