古琴雅苑 (太子集團中心)

营业中

休息中

表姐个细女7岁生日，一家人又有个藉口食餐好嘅😂 原来11月亦咁啱系呢间餐厅anniversary，所以送左呢只公仔比12岁以下嘅寿星女，几有心思！😍 12岁以上好似系送鲍鱼同带子，都几划算😋讲番野食，呢晚所有菜式我都几中意。前菜嘅花雕醉鸡好入味，鸡肉好滑。葱油海蜇拌黄瓜啲瓜好爽脆，味道亦调得唔错。砂锅云吞鸡做得都几好，汤够清甜，云吞皮好滑，亦好足馅。讲番今晚主角——北京填鸭。全只都系$338，其实真系好抵！师傅喺我地面前慢慢片只鸭，片得好薄，尽显功架👍🏻 松子鱼好够睇头，酸酸甜甜都好味嘅。重点系唔会好多骨，连怕麻烦嘅我都食左唔少！我地贪得意叫左呢个木桶饭。睇落细细桶，但其实份量好大！个饭入面有火腿同葱等，带咸鲜口味，比食白饭过瘾👍🏻呢度个津白用浓汤煮，食落冇奶油咁漏，亦都健康啲。最后，大家其实都好饱，但都叫左几款甜品share黎试。高力豆沙有香蕉同豆沙做馅，甜得黎唔漏，而且热辣辣食落好正。两碗糖水当中，我中意腰果露多啲。一黎腰果露好似冇咁常见，另外佢真系好香腰果味，亦有好多腰果碎喺糖水入面，口感丰富。桂花糕就清甜嘅，有3大旧嘅份量。