影片
更多
2022-04-27
3754 浏览
预早左几个月book位，好开心安排到窗口位仲要有好天气。坐低后餐厅职员好用心咁介绍今日既menu，又推介左D菜式我地试。餐前面包有四款：芝麻包、法包、橄榄黑麦包同牛角包，最好食系职员推荐既芝麻包，微热松软配手工牛油超正，法包同黑麦包就略嫌硬左少少，食佢要D牙力先得。✨青咖喱冻鱿鱼丝✨摆盘同配色好似一件艺术品，由于系开胃菜，青咖喱唔系好重口个种，反而啖啖清新。✨法国生蚝伴芹菜头蓉配青苹果啫喱✨以青苹果啫喱微酸既味同醒神既绿色作为头盘，美中不足系个生蚝略带腥味，唔系我喜欢既生蚝品种。✨法国青芦笋配烟肉忌廉汁伴慢煮农场鸡蛋✨大大条青芦笋好爽好清甜，慢煮农场鸡蛋真系估佢唔到，用左一个变成蛋黄酱咁既方式去呈现。✨青豆汤伴甜蒜火腿汁配田鸡腿✨本身唔太食青豆既我，竟然都觉得呢个青豆汤好味，可惜田鸡腿肉质有D干，冇提升到个汤之余仲扣左少少分。✨鸭肉清汤配鸭肝云吞✨职员有提左一下话呢个虽然写做清汤，但其实绝对唔清，个味系非常浓、用鸭肉熬制而成既「浓汤」。而个鸭肝云吞更加惊喜，饮啖鸭汤再食粒鸭肝云吞，味觉上两者好有层次。✨法式鱼肉慕丝伴海鲜配香槟汁✨鱼肉慕丝好滑好creamy，唔讲完全唔会知系用鱼整，旁边
✨青咖喱冻鱿鱼丝✨
摆盘同配色好似一件艺术品，由于系开胃菜，青咖喱唔系好重口个种，反而啖啖清新。
✨法国生蚝伴芹菜头蓉配青苹果啫喱✨
以青苹果啫喱微酸既味同醒神既绿色作为头盘，美中不足系个生蚝略带腥味，唔系我喜欢既生蚝品种。
✨法国青芦笋配烟肉忌廉汁伴慢煮农场鸡蛋✨
大大条青芦笋好爽好清甜，慢煮农场鸡蛋真系估佢唔到，用左一个变成蛋黄酱咁既方式去呈现。
✨青豆汤伴甜蒜火腿汁配田鸡腿✨
本身唔太食青豆既我，竟然都觉得呢个青豆汤好味，可惜田鸡腿肉质有D干，冇提升到个汤之余仲扣左少少分。
✨鸭肉清汤配鸭肝云吞✨
职员有提左一下话呢个虽然写做清汤，但其实绝对唔清，个味系非常浓、用鸭肉熬制而成既「浓汤」。而个鸭肝云吞更加惊喜，饮啖鸭汤再食粒鸭肝云吞，味觉上两者好有层次。
✨法式鱼肉慕丝伴海鲜配香槟汁✨
鱼肉慕丝好滑好creamy，唔讲完全唔会知系用鱼整，旁边既系小椰菜叶包蚬同鱼肉。最正系个香槟汁，唔会太酸又提鲜。
✨海鲈鱼配海鲜圆米伴藏红花汁✨
海鲈鱼肉质偏结实，唔似我地中式蒸鱼个种细滑。不过海鲜圆米先似系呢道菜既主角，圆米吸收晒用红花同虾壳等熬成既汤汁。
✨法国羊鞍伴蚕豆炖菜配烧汁✨
呢个卷状既羊鞍，就好似将羊鞍中心最软嫩既部分抽左出黎咁。四成熟都唔会太生，亦唔会有好重羊膻味。
✨香烤黄油鸡腿配法国白芦笋伴梅子汁✨
黄油鸡烤到外脆内嫩，上面有几片薄薄既白芦笋，如果切厚少少口感就更好。
✨法式草莓蛋糕伴开心果忌廉配草莓雪葩✨
草莓雪葩好味，草莓蛋糕太甜我麻麻钟意，不过夹埋上面酸既士多啤梨黎食就岩岩好(笑)
✨法式塔丁苹果批配焦糖雪糕✨
卖相精致，不过上层既苹果蓉味道偏甜，法式甜品我都系钟意睇多过钟意食。底层个酥皮做得超级松化，难怪餐厅职员推荐呢款甜品。
最后Petit Four有三款，柠檬挞、自家制朱古力同芒果泡芙。呢几款反而唔会好甜几岩我，配埋佢地自家既薰衣草云尼拿茶，为呢餐生日饭划上完美句号。
餐厅职员不时会问我地对菜式既意见，整个用餐体验都好nice同好有亲切感。走既时候大家仲不忘讲生日快乐，有种宾至如归既感觉，Caprice既服务真系冇令我失望❤️
张贴
