劉興記生煎包專門店

营业中

休息中

呢间生煎包系网上评价唔错，今日专登走嚟试吓。餐牌全日适用，无分午餐/下午茶/晚餐。皇牌套餐S1：招牌上海排骨菜饭+生煎包一只（$54）无咩期望下嘅炸猪扒几好食，炸衣好薄但仍好脆，而且唔油淋淋，内里猪扒软嫩有肉汁；反而菜饭就干身得滞。生煎包底层脆身，咬开小洞啜汤汁，味道可以，吸哂汤汁后一啖放入口，肉馅中仍有汤汁，整体不错，但如果再热烘烘啲就更好。皇牌套餐S4：鲜鸡汤小云吞12粒+生煎包两只（$54）汤底清清哋带少少味；小云吞一口一粒，皮薄，味道正常。呢个餐跟嘅生煎包比饭餐𠮶只再热少少。上海小笼包4只（$40）新鲜热辣，皮算薄而且带少少烟韧，唔会好易整穿。同样先咬穿一个小洞吸啜汤汁，然后成粒食，汤汁及肉馅嘅味道同生煎包相似。百步香葱油饼（$28）饼十分松化，虽然咬落口感偏厚身，仍然食到好松化嘅感觉，但略嫌葱馅比较少，所以香葱味唔够。另外想赞嘅系，个葱油饼一啲油都无，完全唔觉油腻。套餐奉送豆浆，而且仲可以无限添饮。味道接近无糖，少少豆味。