影片
更多
2025-01-20
333 浏览
《炑 - 尖沙咀》我成日都觉得食日本餐除咗享用新鲜嘅食材之外，睇厨师摆盘同切嘢都系一大享受，我个人都几钟意去一啲有得席前烹调菜式嘅日式餐厅食饭，虽然价钱会比一般回转寿司高少少，但系间唔中一餐好既，边食好嘢，边睇师傅制作料理都真系几享受的， 今次我就去左位于尖沙咀既炑食晚餐，成晚一共有十五款食物，最尾仲有个味噌汤同甜品，食到巨饱饱呀💁🏻♀️啤梨果酒 $88 餐厅近排入左不少由日本山梨县直送番店既果酒， $88就可以试到用新鲜啤梨制作既果酒，平时比较少见到有呢个口味的，个人推荐试下啤梨同奇异果味，饮落好清新，唔会死甜，酒精唔会太劲，最衰无得买番屋企啦💁🏻♀️三文鱼籽汤叶 即系用高汤煮腐皮，食落好滑同埋好有豆味，味道唔会太浓味太刺激💁🏻♀️北海道濑尿虾茶碗蒸少有见到加入咁高级既食材制作茶碗蒸，用左少少柚子皮提香，食落有阵阵既柠檬香气，除左面头有好鲜既濑尿虾之外，茶碗蒸入面都有虾同埋银杏丰富左成个口感💁🏻♀️薄切深海池鱼 呢道菜式好考切工，虽然佢系薄切的，但系食落满满的油香，个人觉得best matched with wasabi，简简单单就带出到鱼既鲜味💁🏻♀️淡路岛针鱼刺身呢款白身鱼口感软
我成日都觉得食日本餐除咗享用新鲜嘅食材之外，睇厨师摆盘同切嘢都系一大享受，我个人都几钟意去一啲有得席前烹调菜式嘅日式餐厅食饭，虽然价钱会比一般回转寿司高少少，但系间唔中一餐好既，边食好嘢，边睇师傅制作料理都真系几享受的， 今次我就去左位于尖沙咀既炑食晚餐，成晚一共有十五款食物，最尾仲有个味噌汤同甜品，食到巨饱饱呀
💁🏻♀️啤梨果酒 $88
餐厅近排入左不少由日本山梨县直送番店既果酒， $88就可以试到用新鲜啤梨制作既果酒，平时比较少见到有呢个口味的，个人推荐试下啤梨同奇异果味，饮落好清新，唔会死甜，酒精唔会太劲，最衰无得买番屋企啦💁🏻♀️三文鱼籽汤叶
即系用高汤煮腐皮，食落好滑同埋好有豆味，味道唔会太浓味太刺激💁🏻♀️北海道濑尿虾茶碗蒸
少有见到加入咁高级既食材制作茶碗蒸，用左少少柚子皮提香，食落有阵阵既柠檬香气，除左面头有好鲜既濑尿虾之外，茶碗蒸入面都有虾同埋银杏丰富左成个口感💁🏻♀️薄切深海池鱼
呢道菜式好考切工，虽然佢系薄切的，但系食落满满的油香，个人觉得best matched with wasabi，简简单单就带出到鱼既鲜味💁🏻♀️淡路岛针鱼刺身
呢款白身鱼口感软林林的，呢个时候正值当造期，佢既口感会比平时食到既爽口少少，同柚子酱油就最夹啦💁🏻♀️烧北寄贝
炉烧海鲜一向都系最简单既做法，可以食到海产既原汁原味，有淡淡既海水同埋少少矿物味，北寄贝口感弹牙爽口，唔洗点任何酱料都好好食💁🏻♀️红𫚕鱼两食
一片系刺身，而另一片系灸烧红𫚕鱼，睇住师傅喺面前用火枪烧香肥美多油既红𫚕鱼，老远都闻到果阵油香，可以加少少紫苏花一齐食个味道会更丰富，两种食法都带出到鱼既肉质同油香，十分好食💁🏻♀️德岛县真蚝
用左磨碎既柚子皮再配上酸汁同辣萝卜蓉衬托番个新鲜真蚝，体型大只得黎爽口，酸味带出左蚝肉既海水味，味道少少辣，有层次感💁🏻♀️秘制虾多士
厨师用左虾肉打成虾胶，再用虾头煮成浓汁加上蛋黄酱同拉叉酱，食落辣辣地好刺激，成件事好泰式同好特别💁🏻♀️大拖萝
师傅用上呑拿鱼既稀有部位蛇腹再炙烧，鱼油迫晒出黎，用左紫菜包住鱼肉再配上京葱碎，呑拿鱼迷实钟意❤️💁🏻♀️牛肉汁炆和牛牛板肉
食完咁多刺身之后就食热食啦，呢道菜式酱汁甜甜的，和牛牛板肉已经炆到淋晒，一咬就已经化开，不得不提系件萝卜真系好入味好甜，个人觉得个萝卜真系神来之笔🤓💁🏻♀️天妇罗墨鱼
以为平平无奇既天妇罗，点知一食一鸣惊人地好食😱首先系个墨鱼个口感十分软糯，有啲似食紧麻糬既感觉，配上特制既咖哩盐同乌鱼子食好好味，个皮又劲薄，一咬落口好热，但坚系酥脆的💁🏻♀️天妇罗京都大黑菇
另就外一件天妇罗用上新鲜既大黑菇点上薄薄既炸浆油炸，入口湿润但外皮同样系超脆的💁🏻♀️江之岛釜饭
最后既热食系用左江之岛特产吻仔鱼同其他海鲜制作，入面仲有甘荀、蟹肉、三文鱼籽同埋脆卜卜既油扬，个饭既口感有层次，食到海鲜既原汁原味，三文鱼籽唔会死咸抢左吻仔鱼既香气👍🏻💁🏻♀️自家制黑糖蕨饼
食饱饱之后当然要食番个甜甜啦，最尾既菜式系师傅自家制作既黑糖蕨饼，口感烟烟韧韧唔会过甜，有阵阵清香既黑糖甜香
张贴
