金子半之助 (東薈城名店倉)

营业中

休息中

呢几日日系屋企食家常便饭，今日终于俾老妈子放行同胖侣出去食好西。皆因想行埋街，所以就选择离商场十分近既一间寿司饭餐厅——金子半之助食野。间铺门面黑金牌扁古色古香，虽然经历过无情肺炎仍然算系生意唔错。一入去左边就已经见到几位师傅好忙咁炮制新鲜天妇罗（由于保证新鲜滚热辣所以所有寿司饭都系即叫即炸即整），右手边至到入边都系十分宽敞既座位。一入到去已经见到餐牌已经流晒口水，虽然定食只有三款，但系贵精不贵多，每种配塔都有各自特色系入面，而鳗鱼控既我就理所当然点左热门「江户前天丼」啦。江户前天丼主打大大条星鳗，星鳗系日本好常见，但香港就唔多，炸起上黎肉嫩鲜甜，食出鱼油。除左星鳗，仲有侧边既海老、海苔、碗豆同温泉蛋，再加上秘制天妇罗汁，就变成大热既主打名菜！除左美味野食之外，员工亦都会系旁边体贴地介绍食法，加上味道香浓既黑豆茶，变左寿司饭以外既最佳配搭。