影片
更多
2023-10-22
4377 浏览
彪哥菜馆依个名想咗好耐，但一直都未有机会试，今晚终于可以一尝。由于早到又未齐人，喺宜安街行咗半个钟，周围睇吓啲食肆，虽然间间都唔使等位，但都叫做入座率九成，唯独是彪哥，经过咗门口几次都系好冷清，得两抬四个客，同之前啲人话要排队等位相差好远，但既然嚟到冇理由唔试。原本谂住三个人叫咗四个𩠌，但侍应姨姨话应该唔够食，心谂四个𩠌都唔够食？后尾侍应姨姨再诚意推介多两个𩠌，佢话应该够食。当啲𩠌嚟到，我终于明白，四个𩠌真系唔够食，因为啲𩠌真系好细碟。 首先蒜蓉粉丝蒸大蛏子，平时啲粉丝系放喺蛏子上面同蒜蓉粉丝一齐蒸，咁啲粉丝入味。但今次啲粉丝竟然系铺喺蝶底，然后蛏子放喺粉丝面，真系第一次见。咁样蒸啲粉丝当然冇味啦！最奇怪系连圣子都冇蒜蓉味，成碟𩠌好淡。（$55/只）第二味系侍应姨姨诚意推介嘅清炒花生苗，因为唔知咩叫花生苗，所以都想试吓。点之一见到碟清炒花生苗即刻呆咗，只碟五至六吋左右大，成碟𩠌好似人哋食剩咁，仲要完全无味，好符合清炒呢个名。（$88）第三碟系青芥牛柳粒，又系揾只细碟装住，不过依个𩠌终于都有味，系好重嘅芥辣味，牛味则欠奉。（$138）第四碟又系侍应姨姨诚意推介嘅家乡煎莲藕饼，又系无味，仲
原本谂住三个人叫咗四个𩠌，但侍应姨姨话应该唔够食，心谂四个𩠌都唔够食？后尾侍应姨姨再诚意推介多两个𩠌，佢话应该够食。当啲𩠌嚟到，我终于明白，四个𩠌真系唔够食，因为啲𩠌真系好细碟。
首先蒜蓉粉丝蒸大蛏子，平时啲粉丝系放喺蛏子上面同蒜蓉粉丝一齐蒸，咁啲粉丝入味。但今次啲粉丝竟然系铺喺蝶底，然后蛏子放喺粉丝面，真系第一次见。咁样蒸啲粉丝当然冇味啦！最奇怪系连圣子都冇蒜蓉味，成碟𩠌好淡。（$55/只）
第二味系侍应姨姨诚意推介嘅清炒花生苗，因为唔知咩叫花生苗，所以都想试吓。点之一见到碟清炒花生苗即刻呆咗，只碟五至六吋左右大，成碟𩠌好似人哋食剩咁，仲要完全无味，好符合清炒呢个名。（$88）
第三碟系青芥牛柳粒，又系揾只细碟装住，不过依个𩠌终于都有味，系好重嘅芥辣味，牛味则欠奉。（$138）
第四碟又系侍应姨姨诚意推介嘅家乡煎莲藕饼，又系无味，仲要一夹就散，真系有啲失望。
第五碟椒盐粟米，ok嘅，有七嚿，但完全无椒盐味，又话送酒必食，一啲都唔香口，试问点样送酒呢？（$68）
最后系咸菜猪肚粉肠煲，依个算系最正常，只要你唔介意佢冇咸菜味，但好重胡椒味就OK。
而我叫咗杯正宗生磨杏仁茶，完全冇杏仁味，好似沟咗好多水咁。而甜品系红绿豆沙，个红豆沙又系又稀又淡，反而个绿豆沙就好够味。
三个人千几蚊落楼但系唔知食咗乜，我终于明白点解间间舖头都有客，唯独是彪哥水静河飞。如果继续出啲咁嘅质素比客人，我相信真系好难有返头客。
张贴