粉制良品

营业中

休息中

朋友介绍呢间小店，主打手工石磨河粉同怀旧小食，买嘅时候都几多人帮衬，应该几有名气。呢度嘅河粉严选4道工序，采用陈年梯田糙米，将米浆磨起，蒸后再切，出边真系未见过。基本上嚟得嘅都一定会叫筲箕手工河粉，可以望住佢哋即叫即整，河粉爽口，带淡淡米香气，厚身度适中，另可自由搭配主食，要咗冬菇同卤肉，份量十足，搭配酱汁更惹味。火鸭丝碗仔翅，有个👍，入面有大量火鸭丝，啖啖都有配菜，饮落浓稠，果然足料。小食有萝卜，清甜无渣、豉油王唐生菜新鲜又入味、烧卖软硬程度啱啱好而且唔粉，可惜鱼蛋未煮好，下次试埋佢。