影片
更多
2023-11-21
115 浏览
香港人最爱扫街，我当然都唔例外。早排经开深水埗桂林街见到有间比较有特色嘅食店，就系筲箕手工河粉。门口有个筷子夹住啲筲箕河粉嘅模型劲过瘾🤪，就系因为咁比佢吸引咗🤩。 老板介绍咗佢哋嘅招牌手撕鸡筲箕河粉，河粉严选梯田糙米，磨超过1800次，令啲米浆细腻丝滑再蒸，河粉滑不溜口，食落去直滑落喉咙。鸡丝嫩滑幼细，另加配料青瓜丝🥒（加$3）同菜脯粒（加$5），口感更爽脆。再配合埋店舖秘制酱汁，呢个酱汁绝对系灵魂所在，令成个味道提鲜，食落更加滋味🤤。 豉油王炒面炒得几香，豉油味浓，面质爽口。 小食火鸭丝碗仔翅必食，劲足料，好多火鸭丝，另外唔少得冬菇丝、粉丝同埋木耳丝，食完一碗大满足😋！ 豆浆系自家磨制，豆味浓郁，最紧要味道唔会太甜，啱晒追求健康嘅朋友们。
香港人最爱扫街，我当然都唔例外。早排经开深水埗桂林街见到有间比较有特色嘅食店，就系筲箕手工河粉。门口有个筷子夹住啲筲箕河粉嘅模型劲过瘾🤪，就系因为咁比佢吸引咗🤩。
老板介绍咗佢哋嘅招牌手撕鸡筲箕河粉，河粉严选梯田糙米，磨超过1800次，令啲米浆细腻丝滑再蒸，河粉滑不溜口，食落去直滑落喉咙。鸡丝嫩滑幼细，另加配料青瓜丝🥒（加$3）同菜脯粒（加$5），口感更爽脆。再配合埋店舖秘制酱汁，呢个酱汁绝对系灵魂所在，令成个味道提鲜，食落更加滋味🤤。
豉油王炒面炒得几香，豉油味浓，面质爽口。
小食火鸭丝碗仔翅必食，劲足料，好多火鸭丝，另外唔少得冬菇丝、粉丝同埋木耳丝，食完一碗大满足😋！
豆浆系自家磨制，豆味浓郁，最紧要味道唔会太甜，啱晒追求健康嘅朋友们。
张贴
