影片
更多
2009-03-09
65 浏览
8-3-2009星期日懒得开炉煮0野, 但想食得「清」/「住家」一点, 一行 3 人 dinner 0黎呢间叫(食送)食饭店试试. 简单叫了 3 (食送)一汤, 估唔到除0左台面的前菜之外, 样样都十分好食!前菜系放凉了的豆卜四季豆菜甫 etc 炒埋一碟, 冻冻的又油腻, 弃之不可惜.店员推介的是日「私房炖汤」系花胶瑶柱淮山炖猪(月展): 要了 2 人份量的小盅, 但其实 3 个人每人都「毕」到两碗有多... 饮落清清润润, 不过姜味我觉得太重了, 饮落有点刺喉, 虽然阿妈几钟意; 汤渣就只食了 1) 花胶, 真系好「胶」的口感, 亦同意阿爸话觉得似「猪皮」多 d -_-" 2) 淮山薯就粉粉的, 不错.贵妃酱炒蛏子皇: 大家都好钟意贝壳类海产, 加上呢个系招牌菜, 当然要叫个试试. 13 両蛏子皇极爽脆鲜甜, 而店方的「秘制」贵妃酱味道就似 XO 酱 + 马拉盏, 少辣中带少少甜, 配上蛏子十分惹味, 正! 唔知 d 酱有无得向店方买0架呢? 用0黎捞面一定劲正㖞! 虾干带子粒浸娃娃菜: 娃娃菜几嫩又够晒腍甜, 不过又虾干又带子, 最好味当然系 d 汤, 我觉得呢
星期日懒得开炉煮0野, 但想食得「清」/「住家」一点, 一行 3 人 dinner 0黎呢间叫(食送)食饭店试试. 简单叫了 3 (食送)一汤, 估唔到除0左台面的前菜之外, 样样都十分好食!
前菜系放凉了的豆卜四季豆菜甫 etc 炒埋一碟, 冻冻的又油腻, 弃之不可惜.
店员推介的是日「私房炖汤」系花胶瑶柱淮山炖猪(月展): 要了 2 人份量的小盅, 但其实 3 个人每人都「毕」到两碗有多... 饮落清清润润, 不过姜味我觉得太重了, 饮落有点刺喉, 虽然阿妈几钟意; 汤渣就只食了 1) 花胶, 真系好「胶」的口感, 亦同意阿爸话觉得似「猪皮」多 d -_-" 2) 淮山薯就粉粉的, 不错.
贵妃酱炒蛏子皇: 大家都好钟意贝壳类海产, 加上呢个系招牌菜, 当然要叫个试试. 13 両蛏子皇极爽脆鲜甜, 而店方的「秘制」贵妃酱味道就似 XO 酱 + 马拉盏, 少辣中带少少甜, 配上蛏子十分惹味, 正! 唔知 d 酱有无得向店方买0架呢? 用0黎捞面一定劲正㖞!
虾干带子粒浸娃娃菜: 娃娃菜几嫩又够晒腍甜, 不过又虾干又带子, 最好味当然系 d 汤, 我觉得呢个比炖汤仲鲜甜仲好饮, 值得试试.
蒜蓉开边蒸大花虾, 蛋白炒饭底: 店方介绍「萝卜糕底」, 不过大家唔太 keen 食萝卜糕, 结果呢个当饭食... 4 只虾分成 8 边, 新鲜爽甜, 好食; 饭底亦出色, 炒得热辣干身香口, 配上虾的甜及香而不过咸的蒜蓉, 十分惹味!
食物好唔错, 2 楼环境亦好坐又干净; 招呼就好得无0野讲, 店员及老板娘 (?) 都极有礼貌, 服务贴心, 值得一赞.
连加一每人约 $200, 各方面都俾人好私房菜 feel, 不过最紧要都系 d 0野好食, 价钱 ok. 都好耐无遇过咁好的中餐馆了.
下次食其他海鲜!
张贴
