影片
更多
2017-11-17
2806 浏览
我系火锅狂人，好钟意打边炉，幸好家人朋友都有共同喜好，每个秋冬都会疯狂打·边·炉。屋企人今次揾到间尖沙咀私房菜，本来谂住食小菜，点知见到有边炉打就即刻话食火锅，我当然奉陪。 辉哥私房菜位处大厦一楼，系冇䢂搭架，要食好野就先要行一层楼梯消吓脂先~ 上到嚟门口就见到块「集邮」板，有唔少明星食客嘅相同埋签名。大厅只有五张枱，都几细，真系私窦格局咁，大班人嚟绝对可以包晒全场开心gathering。亦有VIP房。火锅配料选择列晒喺一张纸度。每日有唔同新鲜海鲜供应︰茶位连酱料费每人$20，提供非一般茶水，店员话壶茶叫做「火麻茶」，对身体好好，又消脂又健康……饮完又唔会训唔著，阿妈听完即刻饮返杯。味道几特别，清清地，又带小小火麻仁味道。杏汁猪肺锅$88一嚟到有啲失望，同想像中好唔同，虽有都有啲奶白色，亦有杏仁味，但唔系浓浓嘅杏汁。猪肺份量多，锅底有好多南北杏，又加左啲西洋菜。阿妈话呢个汤更似佢平时煲开嘅「西洋菜南北杏蜜枣猪肺汤」!特级安格斯牛颈脊(大)$298排到好靓，满满雪花纹，入口嫩滑浓牛味，的确系靓牛! 每片都系手切，切到同一大细同一厚度，仲要起双飞咁切，刀工真系劲!!新鲜鹅肠$88唔系度度有
辉哥私房菜位处大厦一楼，系冇䢂搭架，要食好野就先要行一层楼梯消吓脂先~ 上到嚟门口就见到块「集邮」板，有唔少明星食客嘅相同埋签名。
大厅只有五张枱，都几细，真系私窦格局咁，大班人嚟绝对可以包晒全场开心gathering。
亦有VIP房。
火锅配料选择列晒喺一张纸度。
每日有唔同新鲜海鲜供应︰
茶位连酱料费每人$20，提供非一般茶水，店员话壶茶叫做「火麻茶」，对身体好好，又消脂又健康……饮完又唔会训唔著，阿妈听完即刻饮返杯。味道几特别，清清地，又带小小火麻仁味道。
杏汁猪肺锅$88一嚟到有啲失望，同想像中好唔同，虽有都有啲奶白色，亦有杏仁味，但唔系浓浓嘅杏汁。猪肺份量多，锅底有好多南北杏，又加左啲西洋菜。阿妈话呢个汤更似佢平时煲开嘅「西洋菜南北杏蜜枣猪肺汤」!
特级安格斯牛颈脊(大)$298排到好靓，满满雪花纹，入口嫩滑浓牛味，的确系靓牛! 每片都系手切，切到同一大细同一厚度，仲要起双飞咁切，刀工真系劲!!
新鲜鹅肠$88唔系度度有得食，爽口弹牙大大条，记得放入火锅筛入边煮，亦都唔好烚得过长时间，越煮系会越缩同越韧!
瑶柱贝鲍滑$78第一次食，嚟到都几大份。食唔到有贝鲍粒，感觉似墨鱼滑，上面铺满好多瑶柱，加埋几鲜味，唔错。
黑松露墨鱼滑$88
呢个我好钟意，离远已经闻到好香黑松露味。墨鱼滑上面铺左一大pat黑松露酱，好夸张! 黑松露味同墨鱼滑好夹。
新鲜黑柏叶$88
极难食得到，屋企附近街市都冇得卖，要订先会有货，仲要通常都订唔到。虽然黑色卖相唔讨好，但黑柏叶冇经过漂白，梗系健康啲。夹起就知好有弹性，入口俾白柏叶更弹牙，识食梗系食黑柏叶啦。
新鲜紫淮山$48
店员大力推介，唔见其他餐厅有，我地都系第一次听! 上网查一查，原来系宝嚟，有抗癌作用、降血压降血糖、益脾、益肺、益肾，系淮山嘅加强版，啱晒老人家，即刻叫左碟试吓。
质地粉粉地，同一般淮山相近，但就多一份甜味。因为新鲜冇雪过，唔驶渌好耐，好快就腍。千祈唔好渌太耐，最好用火锅筛渌，因为熟左好松化，好易煮到溶晒。
招牌炸响铃$48上台时仲系热，又薄又脆，吸汤神器，非常正! 一篮八件，浸2秒就够晒数! 因为新鲜炸起，唔放汤斋食都得~
唐生菜$38
冇细分，只系切开几件，烚起嚟唔系咁方便。
店员全晚都紧贴服务，仲极有礼貌兼有笑容，抵赞! 而家九点前入座有九折(九点后仲有八五折呀)，即系今餐变相唔驶加一~
张贴
