叠記咖喱

呢间1947年已经创办嘅餐厅，真系够晒历史，最出名就系食咖喱，喺香港都有几间分店。叫咗两款双拼面，咁就可以试多啲𩠌，佢有款好特别嘅面，叫橡筋幼同橡筋粗，食落比一般嘅面比较弹牙，完全冇碱水味，值得一试。捞粗叫左麻辣BB辣，平时我都几食得辣，但呢个BB辣竟然对于我嚟讲系啱啱好，所以唔食得辣就记得唔好叫啦，不过钟意食辣嘅朋友，就一定食得好过瘾。呢度咁出名咖喱，我另外叫咗一款祖传咖喱牛腩（$98），食落有独特嘅药材味，同一般咖喱完全唔同喔。