新香園

营业中

休息中

之前已经听朋友讲过新香园既蛋牛治好好味，今日突然兴起想食就过左黎。可能食得比较早，唔算好多人。因为太肚饿，自己叫左两样野食。南乳猪手面: 猪手都几大件，咬落去好大块皮仲有层脂肪，大部分都系软骨，痴左少少肉。南乳味都浓既，咸咸地几入味。汤底都浓郁，食幼面连到好多汤汁。蛋牛治:非常好味既蛋牛治，会有蛋汁流出黎，蛋都炒得好香，牛肉唔会太碎，会食到一旧旧牛肉系入面，牛味几浓既。多士都烘得岩岩好，食落有牛油味，就咁食块包都唔会觉得单调。食完真系又饱又满足，仲要一啲都唔贵，一定会再黎过。